مصرقعة هانم @msrkaa_hanm

كبيرة محررات

أخطاء تقع فيها الحامل .. تعالي شاركيني .. تراني ماعندي الا القليل ومشاركتك لك اجرها

" السلام عليكم ورحمة الله "
اتمنى للكروشات تمام الحمل وهون الولاده .. والمتأخرات والراغبات بالذريه الصالحه المعافاة ..
وبنبهكم ترددت كثير بطرح المووضوع مهوب عدم مبااالاة لكني اكره حل الواجب :35:<< اص لا يسمعوني عيالي .. يعني اشيل هم الرد على المواضيع وبطبعي ما احب اخلي احد ما ارد عليه احسني مسئوله عن مواضيعي ..
يعني لو قصرت لا تجلدوني :04:..
******
نجي للموضووع .. وممكن يكون انطرح لكن بمواضيع متعدده ومتفرقه واليوم ابغى اجمعه بمووضووع واحد للجميع ..

******

الخطأ الاول : الكشف الدااخلي .. يعني تكونين حاامل ولك فتره والله تنتظرين هذا الحمل او بعد تسقيطات متعدده ويكون عزيز عليك .. وتتعبين وتروحين يوم للطوارئ وتجيك دكتوره طفشااانه من المنااوبه وودها تفتك وتخلص منك تروح لغيرك وطبعا مهما صار عندنا ماراح تتحااااسب ..
تجي تقولك اكشفي من تحت وبعضهم (مريت بالوضع )تجيك شايشه وكهربها 300 شوي وتقبس وتقبس بوجهك كانك انت الشريره وانت المتخلفه اللي رافضه تكشفين وكل همها تخلص وبس ..
الكشف من تحت بكلااام امي ثم كلااام طبيبتي .. خطير على الحمل .. الا يسبب الكثير من الاجهاضات ..
تلاقين بكريه .. ما تعرف تروح موعد وتجيك الاخت وتدخل ذيك الحديده اللي وش كبرها وتخلص وتنزل وكلها اسبووع ويبدها الاجهاض وينزل الجنين ..
لاتجي بنوته حلوه تقول : " انا كشفت ولا ضرني ... الله يبارك لك ويهنيك .. هذا ما يعني نخاطر بغيرك .. وماااشاااء الله معنى كذا الرحم وعنق الرحم الله يبارك لك مرره تمام ولا يتاثر .. لكن كثرة الاجهاضات تثير الخوف بصراحه ..
ولازم كل وحده توقف الطبيبه وتقوووم مهما صار << انا حاستني حوس الله حسيبها حتى من العناد عيت تعطيني عذر طبي مع اني مجهضه من قبل ومعاي نزيف بالحمل اللي رحت لها فيه قالت اكشف واشوف الرحم مفتوح والا لااا
قلت : طيب فيه اختراع اسمه اشعه صوتيه ..ما ياثر علي وبيريحني كمريضه نفسيا .. طالعتني من فوق لتحت ما عجبتها :27: وقالت بعنااد رااائع .. كشف والا مافيه تقرير ..
قلت لاعمري خذيت تقرير منك اهم شي جنيني منت فايدتني بكره اذا فقدته راس مالك تسوين لي تنطيف ومجرد رقم عندك ..

*******
ترك الادويه المصروفه لك والفيتامينات والاستماع للناس من غير تفكير ..
بفصل بالموضوع شوي ..
اولا: الادويه .. كثير اسمع اجهاض يجي بعد حراره ومرض من الحامل وهي جالسه بالبيت خايفه على الجنين من الادويه وبس تاكل بالمسكن ثم بالنهايه بعد قدرة الله طبعا تجهض
طيب يابنتي لازم تروحين لطبيبة نساء وولاده تثقين فيها لانك بجلوسك بالبيت تضرين البيبي ..ما تنفعينه
الطبيبه والطب عندهم ادويه تناسبك كحاامل وهي اللي بتصرفها لك سواء مضاد حيوي او علاج كحه او زكام او حكه مهبليه (تسبب الولاده المبكره هي والتهاب البول ولازم علاج ومضاد )
وتعطيك علاجات ما تضرك ابدا ان شاء الله بتعالجك وتقلل تاثير المرض على جنينك ..
لكن ارجع واقول تكون طبيبه ثقه ..لان الحراره وشدة المرض توقف نمو الجنين ..

*******

نجي للفيتامينات ..
اسمع زي ما سمعت من الوالده الله يحييها على طاعته .. ان الفيتامينات تكبر الجنين .. واشوف بنات وامهات خافن على انفسهن من كبر البيبي لكن ما خافو على البيبي من قل الفيتامينات وتاثير هالشي على نمو عقله ونمو عظامه ونمو جسمه .. مجرد انك طلبتي الحمل ودورتيه هنا واجب عليك انك تكملين الطريق بتحمل نتائجه وحقوق الطفل عليك انك تسوين كلش عشانه وتتقيدين بالفيتامينات
وبالذات الفوليك اسيد والحديد والكالسيوم
وعلى فكره انا كنت اكل الفيتامينات <<طبعا انساهم بعض الاحيان بطبعي الانساني ..من غير قصد
وبعض اطفالي كبااار وبعضهم صغيرين يعني ماله دخل :time:
نجي للاسبرين .. اشوف مواضيع كثيره عن البيبي اسبرين وخوفهم منه .. البيبي اسبرين مسيل للدم .. واذا ماعندك نزيف وقت الحمل ووصفته لك الطبيبه استخدميه لانه يساااعد على تغذية الجنين وبعد امر الله يساعد على عدم توقف النبض فيه ..
لاني اشوف من قراءاتي وملاحظاتي انهم يعطونه عادة للي مرت بجلطه في المشيمه او توقف نمو الجنين او للحوامل بتوائم وهذا غالبا تكون محتاجه له وعشان يوفرون للحامل فرص اكبر بالاحتفاظ بالجنين ومساعدته ..
طبعا بس يجي الحامل نزيف او تكون معرضه للنزيف تتناقش مع طبيبتها وتقرر وتخلي القرارات المصيريه هذي بعيد عن المنتديات سواء بالفيتامينات او غيرها ..

*******

الصبغه ..
سواء للشعر او الحواجب او للبيت ..
يابنات الطبيبه تحذر منها وتقول تسبب توقف للنبض .. وبعد ممكن تسبب بامور لا تحمد عقباااها للجنين ..
انت تحملين ببطنك شي جالس يتكون ومسئوله عنه كيف بعدم مسئوليه وبس عشان شكلك غلط تروحين تحطينه باحتمالات بكره ؟؟؟ والله لو يجيه شي من ربي ان تقولين انا السبب :44:..
الوحده فينا تسوي اللي عليها ولا تتاثر ..
صحيح بعضكم ما ضرها الحمدلله .. طيب ليه تقولين ما اثر علي واصبغي وما يضر !! تاخذينها بذمتك هي وجنينها ليه ؟؟
*******

هذا اللي يخطر على بالي اللحين .. وباذن الله بس افكر بجديد راح اطرحه ولا انحرم من معلوماتكم واكيد لكم اجرها ..لانك اي وحده بتدخل الموضوع وتقراه وتعمل به وتقلع عن خطأ بيكون لك اجرها ..
دعوااااتكم ..:39:

يلزم عليك تسجيل الدخول أولًا لكتابة تعليق.

تسجيل دخول

امي حياة قلبي • 13 سنة

جزاك الله خير
مشكوره ياعسل

استغفر الله واتوب اليه

اللهم سهل ولادتي آمين

اسيرة غرام • 13 سنة

جزاك الله الف خير والله استفدت منه
واسمحيلي بضيف
ان الحرمه اذا ع اثر اجهاضات لازم توقف الجماع بثلث الاول من الحمل
وتسارعي باخذ الدفستون والاسبرين وحمض الفوليك

leona • 13 سنة

رفع

أم جٍنان • 13 سنة

الله يعافيك

* أبعاد سعيده * • 13 سنة

جزاك الله خير

انا بنص الشهر الثالث نزل معي دم ورحت للمستشفى
وثلاث دكتورات يحاولون يفحصون من تحت
وانا رفضت رفض تام
قالت وقعي على تعهد

قلت اوقع ليه لا

خير ان شاء الله
انا معي دم تروحين تزيدين الطين بله

وبقولكم خطأي بهذا الحمل
ماهتميت به
لاني كنت معلمه واطلع من الصبح 130 كيلو
واقفه طول الحصص عشان الشرح ومادتي مايصير اشرح وانا جالسه لازم سبورة
اروح السوق
امشي كثير
اطلع درج لان بيتي بالدور الثاني
اشيل ثقيل
شغل البيت اللي يهد الحيل

والنتيجه
نزووووووووووول للمشيمه
واضطريت اخذ اجازة من المدرسه

الله يتمم لي على خير

تكفون ادعوا لي
ان يتمم حملي على خير ويكون بصحه وعافيه ويكون ولد يارب