مشكورة ماريا علي الموضوع الرائع
شدني تعليقك ليه الغسيل والكوي احسن بنفس دور غرف النوم طيب بالسطح اذا مسلك للغسيل وكل شي

حتى يكون تحت نظرك ياعسل

انا افضل دور ارضي ويكون قسم النوم بموزع واحد عشان تكون العيله ملمومه


وغرفة الشغاله جنب المطبخ فيها حمام تفتح ع الحوش عشان ويكون لها دقاره من داخل المطبخ عشان تقفلين الباب الي يفتح ع الفله وتخلين لها باب الي يفتح ع الحرس والحمام وقت نومها عشان اخذ راحتي بالبيت مو كل شوي اقول الحين تطب علي 😅
لان احيان تعصب الشغاله واجلس طول اليوم ع أعصابي اخاف تسوي فينا شي عشان كذا خليت لها بابين من عندنا ومن عند الحوش ولها حمامها وعندها ثلاجتها يعني تخلص شغلها تجلس بغرفتها وتكون غرفتها مستودع بنفس الوقت للاغراضنا الزايده
وكمان لازم قسم الضيوف منعزل عن قسم العايله عشان يكون مرتب طول الوقت ومانهمل قسم العائله لازم يكون فيه صاله شرحه مو المكان الحلو للضيوف والعايله محشوره😓


وعندي سؤال شرايكم احط الغساله والمجفف بالمطبخ والا لا لان مطبخي كبير خمسه بسته

نصيحه نصيحه نصيحه عند بناء بيت العمر اتركوا المظاهر وركزوا على الشي بينفعكم انا عارفه ان اغلب الناس عايشين في شقق ولمن تجيهم فرصه للبناء يحسون انهم كانوا في ضيق ويبغون يتمتعون ويسون اغلاط في البناء وبعد كذا يندمون كلامي مو معناته لاتسون شي لالالا كلامي اهتموا براحتكم قبل كل شي وقبل الضيوف لان اغلب الناس يوسعون على الضيوف ويضيقون على نفسهم فااللي ابغ اوصله لاتبالغون ابدا ابدا في شكل البيت بقدر ماتهتمون بتصريفه بشكل يخدمكم نصيحه
انا لو يرجع بي الزمن والحمدلله على كل حال
راح اسوي دور واحد يجمعني مع عايلتي وماراح اخلي طلوع ونزول يعني ماخليه دور نوم ودور خدمه لالا يعني اوسع عليا بصاله كبيره وشرحه وفيها حمام يخدمها وفي نفس الدور غرف النوم كلها يكونون عائلتي تحت نظري مو اكون في دور وهم في دور لالا متعب متعب الطلوع والنزول لجميع افراد العيله بالذات وقت تصحيتهم للصلاه ومراقبتهم بشكل مطمئن عليهم فمن الافضل يكون المطبخ وغرف النوم ومخزن يافي الدور الارضي وهو افضل مع غرفه خادمه مكانه مناسب للعيله وبعيده عن عيونهم
والضيافه تكون بتصميم من المهندس انها فوق ويكفي مجلس كبير حريم ومجلس كبير رجال وبينهم مقلط كبير وخدماته وغرفه نوم للضيوف ومطبخ صغير للخدمه وصاله جانبيه لو احد احتاجه
انتم لكم الخيار فوق او تحت الضيافه بس انا اشوف بيت العمر لازم انا اتمتع فيه مو الضيوف فاحب اكون انا تحت مع الحوش وراحه لي من الطلوع والنزول ويكون قسم الضيافه فوق بشكل مصمم وجميل وبعيد عن الحوسه واسئل الله ان يبارك لكل من يبني ويجعله بيت السعد والبركه عليه 🌹