السلام عليكم ورحمة الله وبركاته
قبل سنة ونص كنت احوس هنا وهناك ومعاي دفتري وكلما لقيت ملاحظة كتبتها او رسمه حفظتها ... واللي يعجبني ابحث عن محاسنه ومساوءه من تجارب غيري...
تخيلوا من سنة ونص. وانا ابحث عشان اسوي افضل مطبخ وبدون اغلاط...وتوي الحين طلع مطبخي وتوني رحت من يومين ارتب اغراضي فيه ومع ذلك اكتشفت اغلاط...شي من طلبي وشي من المحل..واكتشفت المحاسن وحمدت ربي عليها...
وعشان لا تغلطون مثلي باقولها لكم وما راح يفهمها اللي بحثت وتعبت وعرفت وش بتسوي واحتارت مثلي...و راح اقول لكم الحسنات يمكن تفيدكم ...
اول شي الزوايا... كلنا نعرف ان عيب الزوايا هو الضيق وما تقدرين تشوفين وش فيها جوا... كنت مترددة اسويها او لا وفي النهاية سويتها بس خليت الباب متصل بباب ثاني بحيث ينفتحون بابين مع بعض واقدر اشوف اللي جوا..زي باب السفط ..وماشاء الله بارك الله بلعت المواعين عندي خاصة الحافظات والاشياء اللي ما استخدمها كل شوي...
ثاني شي الاحواض. طلبت حوضين عاديات وبينهم حوض صغير للصابون وبزبوزين ( حنفيتين).. ويوم رحت ارتب كنت انا بحوض وبنتي بحوض والصابون بيننا ومافيه زحمة عالمويه...
الشي اللي ضايقني هو الفرن المعلق (الشواية) (بلت إن) مع اني اخذت الكبير 90 سم الا اني انصدمت يوم شفته غير عميق...فرق بينه وبين 90 سم الفرن العادي...تراني ما بعد جربته لكن واضح ..
بما ان مطبخي صغير وانا شغلي فيه كثير سويت جزيرة لاني اعرف اني باحتاجها .لكني سويتها صغيرة والحمدلله ما ضيقت ولا شي ...
الادراج كثرتها ومع ذلك تمنيت اني حطيت زياده...
تمنيت اني انزل صور المطبخ لكم لكن ابو الشباب حالف ما انزل اي صورة فقلت عالاقل افيدكم ولو بالكلام...
دعواتكم لي ولولدي بالشفاء العاجل التااام
ام الخمائل @am_alkhmayl
كبيرة محررات
يلزم عليك تسجيل الدخول أولًا لكتابة تعليق.
مشكوره .. والله يشفيك انتي وولدك عاجلا غير اجل
حبيت اسئلك كم تقريبا عمق الفرن وطوله..؟
وجزاك الله خيرا
حبيت اسئلك كم تقريبا عمق الفرن وطوله..؟
وجزاك الله خيرا
ام مسسك
•
طيب قولي لنا ايش استفدتي من بحثك
ايش نوع فرنك العيون؟ وشركات الاجهزه؟
والمطبخ نفسه خشب او ايش؟
كلمينا عنه
ايش نوع فرنك العيون؟ وشركات الاجهزه؟
والمطبخ نفسه خشب او ايش؟
كلمينا عنه
ام مسسك :
طيب قولي لنا ايش استفدتي من بحثك ايش نوع فرنك العيون؟ وشركات الاجهزه؟ والمطبخ نفسه خشب او ايش؟ كلمينا عنهطيب قولي لنا ايش استفدتي من بحثك ايش نوع فرنك العيون؟ وشركات الاجهزه؟ والمطبخ نفسه خشب او...
العفو.. ولك مثل ما دعيتي
واياك يا رب.. والله ما قست العمق للاسف.لكن اللي متعود على حجم معين ينتبه للفرق وانا انتبهت ان فيه فرق كبير..
الفرن العيون والشواية اخذتهم من ANG الايطالية
والمطبخ صاج بشكل الخشب نوع شرايح
واي استفسار اقدر افيدكم فيه ما راح ابخل فيه وهذا هدفي من الموضوع بس لاتنسيني وولدي من دعواتك الطيبة...
واياك يا رب.. والله ما قست العمق للاسف.لكن اللي متعود على حجم معين ينتبه للفرق وانا انتبهت ان فيه فرق كبير..
الفرن العيون والشواية اخذتهم من ANG الايطالية
والمطبخ صاج بشكل الخشب نوع شرايح
واي استفسار اقدر افيدكم فيه ما راح ابخل فيه وهذا هدفي من الموضوع بس لاتنسيني وولدي من دعواتك الطيبة...
الصفحة الأخيرة
الله يسعدك ويهنيك بمطبخك ^_^