أخطر مشكله مرت في حياتي وصدمتني اريدا حلاً ارجوكم

اختي الله يعينج

انا ما أعرف كيف تحلين المشكلة غير انج تدعين له .............. وتذكرينه بربه

بس تعرفين في نقطة ايجابية في الموضوع ... النقطة هي انه ينكر الموضوع يعني لو هو فعلا كان شارب فهو مستحي و مايبي حد يعرف... فاستري عليه و لا تخبرين حد لأنج لو خبرتي و انتشر الخبر

1) بتطيحين من عينه لأن زوجته و أقرب الناس له و ما سترتي عليه
2) بيبطل يستحي ....( يمكن تأخذه العزة بالإ ثم ) و في هذي الحالة الحل بيكون أصعب


و ان شاء الله باقي البنات يعطونج الحل

ياعمري والله يا ريم
ما ادري شقولج
بس ليش اهلج ما اسئلو عنو بالاول
دام انج توك متزوجة حاولي انك تكلمينة واذا ما صارحك
حاولي انك تسجلينة وهو يتكلم وهو مو بوعية ( سكرا)
وسمعية بعد ما يصحى

بس ديريبالك على حالك منة اذا كان سكران
ربي يفرج همك يالحبيبة وطولي بالك
ولا تنسين دعائك
وصلاة الليل لها منفعة كبيرة
لا تتركيها

الله يفرج همك .
وانصحك انك تنصحينه في وقت مناسب تلاقينه رايق فيه واول ماتسوين تجيبين المصحف وتفتحين على اية تحريم الخمر ,وتحاولين تحضرين بعض القصص المأساوية وكان سببها ام الخبائث اللي هو الخمر ومنها قصة العابد الذي حبسته امراة وخيرته بين الفاحشة وبين قتل الطفل وبين شرب الخمر واختار الشرب يظن انه اهونهم لكنه بعد الشرب ضيع عقله وارتكب كل الموبقات .
اعطيه كتيبات عن اثم الشرب واخطاره الصحيه ومنها الضعف الجنسي وممكن تجينه من الناحية هذي.
وانتبهي تخبرين احد عن الموضوع وانت ماسويت اللي عليك من المناصحة والاستمراروعدم اليأس.حاولي انك تشغلين وقته وتخلينه يلقى سعادته في البيت حتى مايروح لاصحابه اللي طيحوه بها الشي.
زوجك مبين عليه فيه خير مادام انه يستحي من هالشي وانت زوجة جديدة عليه تقدرين تجذبينه لك بحسن التعامل والرفق ولاتبدين تافف منه وسعي بالك عليه وخليك انت الصديقه الوحيدة له ولاتحسبين هالشي بيتحقق على طول لازم تصبرين اهم شي انك تقطعين علاقته بربعه اللي تعتقدين انهم سبب هالشي وبشريه بحملك لعل هالشي يجددحياته ويغير سلوكه
ومع كل هذا تسلحي بالدعاء اوصيك به عليك باخر الليل قبل الفجر بساعة يتنزل الله سبحانه وتعالى هل من داعي فاعطيه ,الكريم الرحيم الرؤوف بعباده تضرعي بين يديه انه يفرج همك ويصلح زوجك و كل ليلةادعي,
ادعي بكل وقت بين الاذان والاقامة وعصريوم الجمعة
تجردي انت من المعاصي وعليك بالاستغفار فقد ينزل البلاء بسبب الذنوب
اسال الله ان يفرج همك ويصلح لك زوجك.

انا من رائي انك ما تسكتين عن نفسك بكره اذا اخذ عليك جابه البيت وسواه قدام عيالك بعد.........العود من اول ركزه......انا اعرف بنات كذا كانوا يتسترون على ازواجهم والحين تعالي شوفي حالهم حال.....
انتي كلميه بالاول واذا ما شفتي منه نتيجه لازم احد يدخل بالموضوع...........والله يعينك ويهديه:26:

:27: