الغريبـــة :

هنا رد وحدة من الاخوات في المنتدى في موضوع آخر فيه كم من الملاحظات الله يجزاها خير ..................... مساء الخير على كل الحبايب ...كل عام وانتم بالف خير وسلامه .. لله الحمد والمنه سكنت اخيرا لي اربع ايام ...تونا جايين من الخرج على الخميس طوالي وسبقنا سيارة العفش خخخخخ الحمد لله لحقت انظف البيت والطيق من الساعه 11 الصباح الى العصر قبل يجي الاثاث ...طبعا اثاثي القديم بيروح لبيت ثاني اما غرف نوم اولادي فجديده راح اخذها ..المجالس والفرش والمطبخ خالص قبل نجي من فضل الله ...لكن ندمت على اشياء حابه اقلكم اياها .. 1- لا تركبي رخامة المطبخ الا اخر شي ..لان العمال اللي باقي لهم شغل مثل الكهرباء او تسليك غسالة الصحون يخدشوها لك .. على قد المدح في الرخام الصناعي الا ان الرخام الطبيعي في مطبخي الثاني طلع احلى منه بمليون مره .. الصاج لدواليب المطبخ اجمل واصلب بكثير من الفورمايكا ..مطبخي الدائم فورمايكا والتحضيري صاج .. 2- على قد حرصي على افياش المطبخ الا انها طلعت غلط فيه تقريبا 11 فيش لكن اماكنها غلط بالنسبه لاستخدامي واجهزتي .. 3- اللي مثلي في منطقه بارده اياك تبلطي غرف النوم والمجالس والله البرد يذبح غير ان شكلها بايخ كانها شقق مفروشه شوفي افخم الفنادق ومجالس الملوك اشلون مفروشه .. 4- اشتريت جاكوزي وكمان دش مساج .. لكن دفع المويه ضعيف حطي في بالك هالنقطه الحين لازم اشتري لي مضخه .. 5- بويه بيتي بلاستيك نصف لمعه من جوتن سادة منظرها جدا انيق لكن كل لمسة يد تبان فيها ...ولازم يكون عندك فائض بويه لان العمال مع الشل والحط يخدشونها الله يسامحهم .. 6- بعد ما تسكنين وباقي ناقص تكملة سباكه او كهرباء حددي كل شي في ورقه عشان اذا جاك من يسويها ما تنسي شي لان صار فيه شح عجيب في العماله واذا راح الله اعلم متى بيرجع لك .. 7- مو كل غالي زين ...اشترينا سخانات اريستون وحراتها وسط ...بعكس الخزف السعودي اللي لقسم الضيافه حرارته نار .. 8- المفروض اني سلكت لحمام الحريم والمطبخ التحضيري سخان واحد بما انهم قريب من بعض .. الاشياء اللي حبيتها وفرحت اني سويتها .. 1- بلاط المطبخ بين الدواليب فقط عطاني احساس بالراحه وخصوصا ان لون البويه رايق ومختلف .. 2- حطيت لكل غرفة نوم غرفة ملابس عطتني سعة بغرفتي ومجال مريح بغرف الاولاد .. 3- فصلت دواليب غرفة الملابس المنيوم وفرت مبلغ حلو وطلع شكلها جدا مناسب وتنظيفها ولا احلى وتركبت مع المطبخ والمنيوم الشبابيك .. 4- كنت حريصه يكون للمطبخ مستودع وفصلت دواليبه مع المطبخ ساعدني كثير في تنظيم اغراضي وقت النقل لحد ما ارتب كل شي .. باقي ما مدى المستخبي يبان عطوني شهر وارجع لكم بتقرير مفصل بالصور ... قبل ما انسى احيانا نحلم ونتمنى كل شي ولكن ننسى الاساسيات ..بدون ما نبالغ راح نسكن بسرعه اذا الله قدر مو اجلس في اجار سنين او مكان صغير عشان اجلس ابني في بيت العمر اللي ما راح اسكنه الا قد راحت موضة اغلب اللي حطيته فيه .. استودعتكم الله رابط الرد تبع الاخت حفظا لحقوقها ومجهودها http://forum.hawaaworld.com/showpost.php?p=69441787&postcount=20227 :hearts:

هنا رد وحدة من الاخوات في المنتدى في موضوع آخر فيه كم من الملاحظات الله يجزاها...