أخطيت00!!

السلام عليكم و رحمه الله و بركاته ..


اخواتي المحبات000

ها نحن على معزوفه شعريه رائعه للشاعر الأمير / عبدالرحمن بن مساعد آل سعود ..

بــ عنوان ( أخطيت )

الأبيات تحكي روعتها بـ نفسها ..






أنــا مــدري وش إحـسـاســك و مــدري وش تـظـنـيـنـي ..

أنا الصادق في عينك كنت .. صرت الكاذب الخـّـوان ..


أنا أخطيت ما أنكر .. و لا في عذر يكفيني ..

سوى إني أحبك حيل و إني دايما ً إنسان ..


أنا أدري بـ مدى جرحك و إدري الحظ جافيني ..

يطول الوقت ما أخطي و إذا أخطيت كل شي بان ..


أنا شفت الزهر مايل و ظنيته يناديني ..

قطفته يوم ضميته لقيته للأسف ذبلان ..


عرفت إنك زهر عمري عرفت إنك بساتيني ..

و غيرك قيظ ما يروي سراب يشقي العطشان ..


أنا لو ما حصل ما كان وش هو اللي يدريني ..

بإنك ما سواك إنتي سكنتي القلب و الوجدان ..


أنا آسف على أعذاري عجزت ألقى عذر فيني ..

يليق بـ غلطتي فـ حقك و يرجع كل شي كان ..


أحبك كثر أخطائي و أدري إنك تحبيني ..

و أدري لو تفارقنا فلا نقدر على النسيان ..


إذا تقوى على فراقي و بعدي عنك .. خليني ..

أنا مليت من دور الكرامه و لعبه الغفران ..


قليل العمر ياللي إنتي دموعك ما تساويني ..

حرام إنه يضيع فراق .. هي من قلها الأحزان ..

للجميع مني فائق التقدير والاحترام 000

مستحيلة بالحيل 000

منقووووووووول