أخواتنا المتزوجات..انصحينا بخصوص أيام زواجك!

انا يوم ملجتي قلت حق راعية الصلون لا تقرب من حواجبي ... بس انا كنت اول مرة اسوي خيط وكان وجهي كله متألم لدرجة اني ما عرفت هي من وين تشيل ... بس قلت لها شيلي الزيادة المتنافر قالت اوكي ... الا شفتها راسمة حواجبي رسم .... تميت مصدوممممممة وانا اطالع في شكلي وطلعت زعلانه وامي معصبة وتقول ثاني مرة ما تروحين لها .... وفعلا يوم العرس رحت صالون ثاني فيه مسيحية فلبينية ... قلت لها رتبي بس لاني اثق فيها قالت اوكي وبعدين يوم خلصت عجبني لانها ماشالت ولا خففت بس رتبت وقالت لي بس خلاص لانه انتو حرام تشيلون حواجبكم ..... انا قلت اوف المسيحية تفهم وهذيك المسلمة حفت كل شي .... وكنت احلى عروسة .... حتى حلاوة الجسم شلته انا كله في البيت ما حبيت اروح اتفسخ في صوالين .... وعلى فكرة حتى الحمام المغربي شلته من بالي رحت مرتين او ثلاثة عجبني التنظيف بس ما عجبني العري ... اخذت صابون مغربي ... وليفة واسوي بخار في الحمام وافرك جسمي .... واذا زوجي موجود اخليه يفرك ظهري واا مو موجود تكون امي موجودة اخليها تسوي لي .....

لي عودة بإذن الله

الحمدلله نسال الله الا نكون ممن تغريهم ملذات الدنيا ..

بالنسبه لحواجبي دايم احرص ان مااحد يلمسهم ابد .. واخلي اختي واقفه على راس الكوافيره ..

والحمام المغربي شريت عدته كااامله وسويته بالبيت بالمشغل بس سويت تنظيف بشرة وجهي ..

حتى حف الجسم شريت علبة شمع وسويته انا بالبيت والله حتى امي ماخليتها تساعدني ..

بنت حماتي نفس الشي حواجبها مره عريضه لكن ماهي كثيفه وكانت ناويه تشقرهم ..

لكن قبل زواجها بفتره سمعت فتوى عن اجماع العلماء على تحريم التشقير فبطلت ..

والله انها طلعت ايه في الجمال رتبتهم لها الكوافيره بالمكياج بس ..

ربي يعين على الطاعه سبحانه

اسمعيني عزيزتي دايما المقبلات على الزواج يغلطون هذي الغلطات لانها تكون فرحانه ومستانسه وشياطين الانس يستغلوها بالكلام ..راح تكونين احلى ويتغير شكلك وبتشوفين الفرق وعشان زوجك و و و....
وراح اذكرلك تجربتين.. احدى صديقاتي مؤمنه تماما بتحريم النمص ولاعمرها نمصت الايوم زواجها افتتلها الكوفيره بجواز النمص بهذي الطريقة شقرت حواجبها وبعدين بالمقص شالت الي شقرته.
واحدى بنات خالي ماعمرها كشفت عورتها فوق الركبة ولما جاتها وحده تنظف جسمها قالت كيف ماتشيلين شعر فخذك وجلست تزن وتقولها عشان الليله بس وعشان وعشان...
الين قالت لها طيب ونظفت لها فخذها..
انا حقيقة خفت اغلط زيهم او حتى اكبر من غلطهم بس الحمدلله المفروض الواحد دايما يسال الله الثبات..

ماشاء الله ،،تجارب مفيدة صراحة..

لكن عندي سؤال محير:

ماالذي يجبر الفتاة المسلمة الواعية على ارتكاب المعصية لليلة زواجها؟
يعني ، إذا لم تكن هناك معصية،، لن تكون جميلة؟؟؟!!!

شكرا لكن أخواتي على الافادة

ونرجو من الأخوات الباقيات إفادتنا بأخطائهن حتى لا نقع فيها .. والله نسأل الثبات