أخواتى المقيمات بنيويورك خاصتآ وبأمريكا عامتآ أنا فمشكلة ومحتاجه مساعدتكم ضرورى

السلام عليكم ورحمة الله وبركاته

كيفكم أخواتى , وكيف أحوالكم بالغربه ربنا يهونها علينا جميعآ ويردنا لديارنا غانمين سالمين
ماراح أطول عليكم

الموضوع أنى تسوقت من موقع بالنت أغراض لبنتى ودى مش أو لمره أتسوق من الموقع ده
لكن المشكله أنى طلبت منهم أغراض يوم 5\2\2010 ورجعت طلبت يوم 14\2\2010وسحبوا قيمتها من الماستر كارد والمفروض أنها كانت توصلنى يوم 20 بالشهر ويوم 28 بالشهور لكن موصلتش !!
راسلتهم على الموقع 3 مرات مردوش عليه
هما حاطين رقمهم بالموقع لما حاولت أتصل عليه واضح أن الرقم محتاج كود البلد الأول لأنه بيقولى لا يمكنك الاتصال بهذا الرقم
والمشكله الأكبر لو ردوا عليه أنا ضعيفه جدآ بالأنجليزى ومش هعرف أتفاهم مع اللى هيرد عليه مش هعرف أقولك مشكلتى وغالبآ مش هفهم كلامه كمان

طلبى بالله عليكم .....
أنا مقيمة بجده السعوديه عايزه أعرف كود نيويورك اللى أضيفه قبل رقم الهاتف
والطلب التانى لو أى أخت مقيمة بأمريكا وعندها أستعداد تساعدنى وبتعرف تتكلم أنجليزى كويس أديها رقم المحل ورقم الطلب اللى طلبته منهم وهى تسألهم شحنوه ولا لأ ونتواصل أنا وهى على الخاص

رجاء يابنات الطلبات اللى طلبتها من المحل بأكثر من 1500 ريال واللى خلانى أثق فيهم أنى طلبت منهم قطعه بالأول ووصلتنى بالميعاد فقولت أنهم كويسين وزوجى لو درى بالموضوع هيقلب الدنيا عليه لأنه كان رافض أنى أتسوق من النت أصلآ وأنا اللى عاندت معاه
عايزه ألحق أحل المشكله قبل ميعرف بالله عليكم :icon33:

جزاكم الله خيرآ