أخواتي أحتاج رأيكم ساعدوني في ابنة صديقتي !!

السلام عليكم

كيف حالكم يا أخواتي ..أبدخل بالموضوع مباشرة

لي صديقة وجارة بنفس الوقت مغتربة.. وبيننا عيش وملح..

هي عندها بنات وأنا عندي أولاد ..

الآن هي والدة وجايبة كتكوتة الله يخليها لها وأنا من باب حب الخير والمساعدة والفزعة بعد ماشفت بنتها الصغيرة ( الي قبل النونو) تغار من أختها الجديدة ..وأصابتها صدمة من أختها الصغيرة ومو طاية بيت أهلها

قلت لأمها خليها تجي عندي أنا صح عندي عيال لكن صغار يعني الكبير بصف ثالث وانا مهتمة بتربيتهم وتأديبهم

صديقتي فرحت ودعت لي وقالت الله يجزاك خير تاخذها كل عصر عندك لغاية ما أعدي فترة الأربعين

المهم جبت البنوتة أحبها وأموت فيها وهي هم تحبني وتموت فيني ..

يوم يومين ثلاثة البنت مره متعلقة فينا وصارت ماتروح لأهلها الا بالصراخ ..

الصراحة رحمتها ..تفاجئت قبل كم يوم أنا جالسة حولهم وهم يلعبون مع بعض بولدي الصغير يقول لها عيييب:(

أنا عورني قلبي ..قمت دخلت عليهم حصلتها الله يكرمكم فاصخة ملابسها ومطلعة عورتها!!

أنا انجنيت قلت ليه كذا قال ولدي الكبير هي تلعب تقول من يصير دكتور ويعطيني ابره :angry2:

واحنا نقول لها عيب

المهم نظرت لها نظرات قوية وعاتبتها بهدوء .. وبعدين اعتذرت من استقبالها كم يوم

المهم جت عندنا مره ثانية وانا قاعدة معهم حصلتها كاشفة بطنها تقول عطوني ابره وعيالي منفجعين:eek:
قمت أنا وبختها بشكل أقوى ..وحذرتها أنها تكرر هذا التصرف!!

المهم أنا الآن خايفة على أولادي منها ، وبنفس الوقت منحرجة من صديقتي أني ما أوقف معها وقفة صادقة على الأقل إني أشغل بنتها شوي وأخفف عليها

لا تقولين أشغليهم والله ماااالية الغرفة ألعاب وكل ما تتخيلون لكن ما أدري ويش مشكلتها ولا كيف أحل المشكلة

ساعدوني والله صرت أخاف على عيالي منها !!

وأحس عيب اعلم أمها وأبضيق صدرها ..وش رايكم لو كنتم بمكاني وايش تسوون؟