أخواتي العزيزات ...أحتاج آرئكم تعبت يابنات ومافيني أصبر أكثر..أرجوكم لاتبخلوا علي

أخواتي:(حكايتي بالمختصر)وفيه أكثر من كذا بس ما أعرف من وين أبتديء والله معاناه.

أناإمرأة عاملة و متزوجة من 6سنوات وعايشة مع أم زوجي ،لظروف زوجي(ضحكوا عليه وسرقوا فلوسه) المهم معاملة أم زوجي مش لهناك لإنه ماكانت راضية بزوجنا وحاولت أكثر من مرة هي وأخواتها الله يسامحهم يخربوا زواجنا بس الله سبحانه وتعالى أراد أن يتم الزواج. وأنا مستحملة أيش أسوي تزوجت عن حب،وأمه كل يوم سالفه جديدة وتتكلم عني وعن أهلي عند صديقاتها والجيران وخواتها عند إلا يسوى ولمايسوى حتى الخدم ينظرون لي نظرة ثانية عاملة نفسها مظلومة وأنا من قبيلة معروفة وبنت أصل والكل يمدحني والحمدلله بس ما عندي حظ .

أم زوجي عندها خدام وخدامة حملت بصعوبة بعد أربع سنوات من زواجي العلاج وكانت تسمعني كلام وتضحك على لإن ماحملت وتقول بالأحلام تحملي وزعلت لما حملت وما صدقت تقول كذابة المهم وبعد الولادة قالت لي لازم تجيبي خدامة علشان تشوف الطفل أنا مافاضية مشغولة قلت لها طيب ياخالتي.
تصدقوا حاولت أتقرب لها بس مافي فايدة شريت لها أغلى الهدايا ذهب عطور أقمشة وووو كل المناسبات بس مافي فايدة لإن بنتها تكرهني وشوش أمهافيني.

وزوجي فترة تعب مني وتغير وصلت الحالة إلى إن أطلب الطلاق أكثر من مرة لإن إكتشفت المصيبة الكبرى الخيانة.بس رجعت علشان خاطر بنتي .والحمدلله الحين زوجي رجع لي.

جبت الخدامة يعاني صاروا ثلاث خدم بالبيت والمفروض خدامتي تشوف طفلي بس صار العكس صارت تشتغل لها وهي تأمرها و كل شيء وأنا ولا كأني موجودة إستحملت وكلمت خدامتي،الحين المشكلة إن أخت زوجي عندها ولد عدواني وكل ما يجي الولد البيت طايح ضرب في بنتي وأنا تكلمت ومافي فايدة .يعني باليوم الواحد يمكن 5 مرات يشد شعرها ويعورها بوكس بالعين يشوتها يطيحها بالأرض ويجلس فوقها-.......بنتي صغيرة سنة وسبع شهور ماتعرف تتكلم كلام مفهوم علشان أسألها.

كل يوم أنا وزوجي بخلاف بسببهم ،الأم تخلي خدامتي تجلس بالمطبخ وماتريدها تاخذ البنت معاها. وإذا ولد بنتها عمل شيء ببنتي مايعلموه ولا يقولوا شيء. وإذا أنا تكلمت يشوفوني بنظرات غريبة ويتكلموا عني وأصلاً عائلتهم كلها تكرهني لإنه ماخذين فكرة غلط عني. تعبت والله تعبت.وماأقدر أشوف بنتي تتعذب كل يوم لإن أمس صار لها فلت في العظم ما عرفنا مين إلا عورها ولما سألناهم أنا وزجي محد قال الحقيقة ، اليوم قبل ما رحت الدوام نزلتها عند أمي. بس ما أقدر بعد كل يوم راح يتكلموا عني.

أخت زوجي كل يوم عندنا من الصبح إلى الليل .وهي مستقرة ببيت بروحها بس ماشاءالله هي وأمها مسيطرين على أزواجهم تروح بيتها بعد العشاء يعني تروح تنام وترجع لنا ثاني يوم،والزوج راضي!!!

أتمنى منكم الدعاء :
إن الله يسهل علي وأطلع وأستقر مع زوجي ببيت بروحي
أنتظر حلولكم إذا عندكم حل لها المشكلة:(