أخواتي الغاليات ممكن دعوات عاجلة للوالدة

تذكرون بنات لما طلبت منكن تدعون للوالدة يزاكن الله كل خير على دعواتكن هي ما زالت في العناية بسبب الفشل الكلوي تتحسن يوم بس ما تقدر تتكلم و تسوء حالتها ثم يسوون لها غسيل الكلى وهكذا من شهر المهم انا اليوم كنت ادرس بنتي عشان الامتحانات اتذكرت انه قبل شهر كنت ادرس بنتي وامي كانت تتصل كذا مرة عشان اسير لها بس ما قدرت واليوم كنت اتمنى انها تتصل بس للأسف ما تقدر ومن ساعتها كلها اعصب على بنتي وأضربها لأن احس بسببها ما كلمتها وايد آخر اسبوع لها في البيت ولا سرتلها وتعبت من كثر التفكير وتأنيب الضمير والبكاء مسكينة امي عانت الكثير وما زالت تعاني ليش الانسان ما يحس بنعمة الا لما يفقدها .....بنات شو أسوي نفسيتي تعبانة على آخر ومو قادرة اسوي اي شيء مسكينةقبل4 أيام كانت تكملنا بصوت يالله نسمعها وكانت تقول انا خلاص بموت قلتلها لا ان شاء الله بتتحسن حالتج وسألتني انا شو سويت في حياتي عشان أعاني قلت لها ولاشي هذا ابتلاء فديتها امي مادري شو أسوي من غيرها وانا يالسة الحين اتذكر لما كنت اسير كل خميس بيت أهلي واشوفها بنات سامحوني طولت عليكن بس والله احس بموت الليلة من البكاء والحزن وخاصة ان حالتها ساءت اليوم وانا ما سرت المستشفى اشوفها
يارب اسألك الشفاء لأمي انت القادر على كل شيء -----بنات دعواتكن الطيبة للوالدة يزاكن الله كل خير و سامحوني