اني اللي سعاابيلي ( ريريي ) خخخخخ بطييييح الحين من فمي ..

والله اشتهيتها .. تسلمين عزيزتي أم فيصل .. الله يسلمك وتقول لك تسلمين ..

تقول لييي اطبعيها لينا خلينا نجرب .. شكلها كل يوم بتسوي طريقة وحده فيكم ..



تسلمووووووون ماتقصروووون حبايب قلبي ..

هلا اختي chord ابي اعطيج طريقة الموش على اصوله وكل الي اكل منه عندي ارد مره ثانيه وقولي سويلنه موش يعني تخصص بس ركزي معاي لانه دوخه اشوي
المقادير وكلها على حسب الكميه الي انتي تبينها يعني على البركه:
ربيان يابس
عيش
ماش
طماطه وحده صغيره مو تكثرين من الطمام
بصل مقطع مكعبات صغيره
بهارات ملح ليمون اسود
ماء
الطريقه :
انتبهي معاي على طريقة عمل ربيان هني سر طعم ونكها
اول شي نقي ربيان ونضفه عدل من شوائب وتحاولين انج اتشيلين القشر ربيان عن طريق فركه بيدج مع بعض وبعد تنظيف نحطه بجدر ونسلقه شوي وبعدين تشخلينه من الماء ناخذ الربيان وبالهاون الي نطق فيه الثوم ونطق ربيان لحد مايتفت معاج موايد تفتتينه خلي قطع من الربيان ظاهره خلي ربيان على جنب الحين حطي البصل بمقلات على نار وخليه من غير زيت طريقه مهمه جدا جدا خليه لحد ماينشف معاج وصير بالمقلات لون بني مثل الكراميل وبعدين صبي عليه قليل جدا من الماي وحركي راح يطلع معاج لون بني وكرري هذا حركه كذا مره يعني كل ماينشف الماء ويعطي لون بني حطي ماء وكريري لين اصير البصل لونه بني بس مو محترق يعني لون مقبول وبعدين حطي ربيان وحطي زيت وطماطم وبهارات وحمسيه عدل وحطي فلفل حار اذا بقيتي وحطي ثوم مدقوق وليمون اسود مطحون وحمسيه عدل وحطي ملح حسب رقبه راح اصير لون ربيان بني على ذهبي يعني لون اشهي عاد طريقه انتي ورقبتج يا اتحطين كل حميست ربيان او اتشيلين شويه وتحطينها فوق العيش مثل الحشو ادري انج مافهمتي نقطه هذي الحين افهمج بعدين اتحطين ماء على حميست ربيان وتخلينها يقلي وتحطين العيش وتحطين الماش وتكونين ناقعته بماء قبلها بوقت وتحطين ملح حق ماء سلق العيش بس لازم تضوقينه يعني على حسب رقبتج وتسكرن الجدر وتخلينه يتخدر انا قتلج على ربيان انج تشيلن شوي يعني قبل لا تحطين الماء على ربيان تشيلن شوي منه وبس تحطين العيش ويشرب الماء وقبل لا يتخدر تحطينه على وجه العيش على جنب وتسكرين القدر وتخلينه يتخدر عدل وتقدمينه مع دقوس والصبار هذا هذي طريقة الموش الكويتي على اصوله ترى مو صعبه بس كلام وايد واسهل منه مافيه وسريع بتحضير بس كلام وايد عشان تسوينه صح ولا اتقولين عطتني شي قلط واذا تبين طريقة الصبار انا حاظره وسامحيني على القصور :27:

هلا أختي شيف طف طف .. فهمت فهمت .. بس اللي استعصيت فيه << حلوة استعصيت
المااش هل انقعه في ماي واخليه يستوي نص سلقه زي طريقة أم فيصل ؟!!

ايه ايه علميني طريقة الصبار وأيش هو الصبار هل هو نفسه اللي يرسمووه على علب الشامبوهات << أخس على الوصف والأمثلة حتى الشامبوه جابتها هنيه خخخ
معليش اختي بس عشاان أعرفه .. لا العب على الوالدة خخخخخ


أختي أم حسين .. ايش هو الشبنت .. هل اله اسم ثااني ؟!!
ونحط لوبا ومااش جميع .. لو نختصر على اللي نبغاه مااش لو لوبا ؟!!
والله يعافيش اختي ..


شكل غدانا الاسبوع الجااي طوول الاسبوع كل مموش كل يووم طريقة وحده فيكم خخخخخ

مشكوريييييييييين وجزاكم الله خير ..

هلا اختي chord الماش مو تسلقينه تنقعينه لانه الماش حبته صغيره واذا تبين تسلقينه وتحطنه بعدين مع مرقت العيش وربيان وعلى مايتخدر العيش اءلا الماش صار هريس يعني بس تنقعينه صار معلوم هذا ماش وخلصنه منه
الحين طريقة الصبار عباره عن تمر الهندي الحامض يكون محطوط بجياس عرفتيه ماقدر اوضح اكثر من جذي ولي اعرف الموش ولمربين عدل لازم يكون معاه الصبار ودقوص الصبار يعني عشان يكمل الموش لازم الصبار
المقادير هم على البركه يعني ماتقيدين فيهم كلهم على حسب الي عندج
بيذنجانه كبيره وحده مشويه على نار الجوله يعني مو شرط اتحطينها بالفرن تفتحين انار وتشوين الباذنجانه وتاخذين الصبار وتذوبينه بقيلل من الماء لين صير عندج عصير صبار وتصفينه لانه بكون فيه حبوب تمر وقشوره بعد ماشوينه البيذنجانه نقشرها ونهرسها عدل بعدين انحط عليها عصير الصبار ونخلطها معاه لا تحطين ملح انه الصبار مالح هذا الصبار واهوى يحل مكان الاجار وطرشي
طريقة دقوص الصبار
اتسوين طريقة الصابر الي كتبتها وتحطين عليه دقوس العادي الي انتي مسويته وتخلطينه معاه هذا دقوس الصبار وعوافي على قلبكم واي سؤال انا جاهزه
:27:

ينقل من الساخنه لاطباق حواء