عزيزتي أنشودة المطر،

السلام عليكم ورحمة الله وبركاته

صحيح أنا من الإمارات ولكن عندي الشهادة المصدقة من اليونيسكو :)

بإمكاني الإجابة على أسئلتج بحكم مروري بهالتجربة ..

أولاً: بإمكانج تقديم كل الإمتحانات في يوم واحد إذا تم الإتفاق مع المعهد بذلك .. ويعتمد فالآخر على مدى شطارتج ومهارتج في استخدام الكمبيوتر ..

ممكن تطلعين على كتيبات الICDL من عند أي زميلة أو تشترينها من المعهد وتذاكرين بروحج في البيت .. والمعهد على حد علمي المفروض يزودج بCD يوضح طريقة الحل ..

ثانياً: الشهادة الرسمية تحتاج ل6 أشهر من اليونسكو ولكن إن كانت من المعهد نفسه أعتقد ما تحتاج وقت طويل .. ممكن المعهد يطلع لج ورقة تثبت حصولج على هالشهادة ولكن أنت لازلتِ بإنتظارها ..

وأي استفسار أنا حاضرة .. وإذا حابة راسليني على الخاص بعد :)

أم عفاري ..

الف الف الف شكر عزيزتي ..

الله يسعدك ويحرمك على جهنم انتِ وحبايب قلبك ..

الله ينفعك بها بالدنيا والاخره ..

وردك مره واضح .. وكل اللي ابيه جاوبتي عليه ..


مشكورة ياعسل :26:

راجعي رابط الموضوع في توقيعي في إجابات لمعظم اللي سألتي عليه
أنا أخذت الشهادة في خمس اسابيع..سهله وتقدري تدرسيها في البيت حتى
ما تقدرين دخلين الامتحان للسبع مقررات دفعه وحده
المده المحدده يوم في الاسبوع مدتها 3 ساعات يعنى تقدرين تدخلين الامتحان لــ 3 مواد ( كل امتحان مدته 45 دقيقه) اذا خلصتي الثلاث وباقي 45 دقيقه إضافيه المشرفه تسمح لك تدخلي امتحان رابع
---
اذا خلصتي السبع مقررات اطلبي من مشرفة الامتحان تعطيك تقرير بالمواد اللي امتحنتيها ويكون التقرير مثل الشهاده المؤقته تقريباً فيها المواد والنسبه في ماده والمده اللي استغرقها منك الامتحان والنسبه العامه وتاريخ امتحان كل ماده
طبعا التقرير عليه ختم مركز الامتحان وتوقيع المشرفه
الشهاده تاخذ اسبوعين لحد ما يطلعونها لك