ابوي كذا , وترا زوجك لما قال بطلي تركضين وراي وباحبك قالها مزحه برزحه
وابوي على انشغاله الدائم الا اننا متأكدين 1000000٪ انه يحب امي من صماصيم ألبوه , تبين زوجك يتعلق فيك اتبعي طريقة امي :D

امي ماتتصل على ابوي وهو برا الا اذا تبي شي يجيبه معه او تبي تقوله شي مهم بس , وهو نفس الشي , مايتصل ويسولف كثير الا لا صار مسافر او احنا عند اهل امي
ابوي على كثر انتقاداته لامي انها تنشغل بمكالمات او نت او اي شي بحضوره الا انها لما تتفرغ له مايعطيها وجه شفتي التناقض هههههه , فعشان كذا ماتتفرغ له كثير وهو يحب فيها انشغالها

التعامل مع اللي مثل شخصية ابوي رهيييييب , اعتبرهم اسهل الشخصيات من ناحية المعاملة
يعني ماتكونين مجبوره تهتمين فيه وتتواصلين معه كثير وتدلعين فيه و و و , بالعكس هالنوع يبيك تهتمين بنفسك وتدلعين بنفسك وهو بينهبل عليك
واستغرب انك تقولين ان زوجك مايقول كلام حلو ! , يمكن لانه مو متعلق فيك كثير بسبب انك تسألين عنه كثير وتبينه دايم معك , او مغرقته كلام حلو , لان اللي اشوفه بين امي وابوي انها ماتقوله كلام حلو الا نااااادرررر مره وهو مايناديها الا حبيبتي ويقولها كلام حلو
وصح ينتقدها احيانا ويقول انتي جلفه ههههه , بس ان تغزلت فيه رفع خشمه يعني هو شخصية نقادة لمجرد الانتقاد مو انه يبي تغيير

برضو شخصية كريمة ومهما قالك انتي مبذره او لاتصرفين لا تهتمين لكلامه , وبنفس الوقت لا تجادلينه كثير , اصرفي من تم ساكت على قولتهم , وان قال شي بعد ماتصرفين قولي اللي يبي الجودة يدفع وانا ماحب الشي الاي كلام

غير كذا يا اختي لا تتصلين ولا تعاتبين ولا تحنين , خلاص ارضي بالامر الواقع + اطلبي منه يوم كل اسبوعين تطلعون لحالكم لمطعم ولا كورنيش , واختاري يوم يكون من ايام الدوام عشان الزحمه والقرف وبعد عشان مايجلس معك وباله مشغول باصحابه

هالنوعية بالذااات لا حبك ماتلقيييييييين مثله من قلب ماتلقين مثله , وان نفر منك بيجاملك وبيسكت لك ولا تفرغ تزوج عليك وركنك على الرف
اعرف واحد من اقاربنا نسخة طبق الاصل عن ابوي , بس زوجته دائماً عتاب وزننننننن واهتمام مبالغ فيييييه , ولما تقاعد وتفرغ تزوج عليها ويوم حب الثانية ماقدر يعدل
لانهم من النوع اللي يشوف ان المرأة الحقيقية وحده بس , والباقين يعاملهم كانهم رجال يشوفهم زي خواته يعني , يعني صار مع الثانية ميت عليها وطاير فيها ومع الاولى يدللها بكل شي مثل اخته , يعني تطلب ويعطيها يسفرها يصرف عليها جايب لها كل شي تبيه بس يعاملها كـ زوجة لا
لانهم من النوع اللي مايعيش الا مع حرمة وحده خاصة اذا حبها ولا يمكن يشوف غيرها او يتزوج لو حبها , اما اذا ماحبها وكان بس يسلك فـ 100٪ بيتزوج وان حب الثانية يشوفها المرأة الوحيدة في حياته

اكثرهم كذا ومنهم زوجي الله يصرف عنهم صحبه السوء 

أب

حبيبتي مالك غير الدعاء والله لايغيره ويغير الي جابوه بس انتي ادعي الله وصدقيني ربي راح يعطيك الي تبغينه ولافي وحده منا راح تحل مشكلتك خذيها مني مالك الا تفرشين سجادتك ىتطلبين الواحد الاحد والاستغفار وصدقيني ان شاءالله ماتمر سنه الا ويتحقق لك الي تبغينه بس استمري ولا تيأسين

بنت عمي زيك
زوجها يوميااااااا في الاستراحه مع اصحابه
تقول بنت عمي حشى مدرسه موب استراحه
بس اكثر شيء مريحها انها عايشه مع اهلها بنفس المدينه وكثير تقعد عندهم هي وعيالها عشان مايحسون بالضيقه لحالهم في البيت