أخواتي المهتمات بالاذاعه وبالحفلات أنا لدي استعداد تام للتعاون!

روووعة إنك طرحتي فكرة زي كذا الله يعطيك العافية وياليت تكون أفكار جديدة ورائعة
لأنه بالصراحة صارت الإذاعة في أغلب الأحيان مملة جدًا .. أفيدينا ..

اختي ظل السراب راح تلقين افكار مره حلوه عن الاذاعه في نفس المنتدى تحت عنوان
(الله يسعدها دنيا واخره اللي تجيب لي فكرة اذاعة مدرسية صباحية ويرزقها بالجنة اللي ترد )

اي والله ياليت نتبادل الافكار لحفل الجنادريه

ايه والله خلونا نتبادل الافكار لحفل الجنادريه

انا سهرانه الحين اسوي عرض باور بوينت

للجنادريه عشان اختي يارب يعجب المدرسه

بالنسبة للجنادريه وزعي معلماتك كل مجموعه ماسكه ركن السنه الماضيه كان حفلنا رائع عملنا الجنادريه وكأنك تدخلين بيوت قديمه كل منطقه ماسكه ركن كان رائع السنه هذه فكرة اعمل الجنادريه على شكل سوق شعبي الفكره رائعه وراح اعمل الفقرات على نفس الاشياء الموجوده بالسوق مثلا سوق الحمام والدجاج والارانب يصير حوار واحدى الطالبات تحرج بصوت عالي عن الحمام وكذا يعني مشهد بسيط طبعا كل ركن راح نسميه باسم محلات قديمه مثلا أبو محماس للعطاره وهكذا ركن الملبوسات وحاجات المرأه ويصير فيه مشهد الى الآن ماحددت الفقرات لكن حددت العرض وقسمته على الجمعيات وكل جمعيه تقوم بركن مع فقره تخصه نشيد مشهد مسابقه واذا اعجبتكم فكرة العرض اكملت لكم باقي افكار العرض.بصراحه انا اعجبني وان شاء الله ينفذونها زي ماأريد.