أخواتي حافز أختارو لي وظيفتين و أنا جداً محتاره

بسم الله الرحمن الرحيم


السلام عليكم ورحمة الله وبركاته



أخواتي أنا طلع لي وظيفه بطاقات تبع حافز و قبل تقريباً ثلاث أسابيع أتصلو حافز علي

يبلغوني بالوظيفه بس أنا أعتذرت عنها

لأن الوظيفه اللي طلعت لي بجامعة القصيم و أنا ساكنه مع زوجي بمدينه على الساحل

الغربي بعيده عن القصيم 1000 كيلو

طبعاً الوظيفه على الكمبيوتر تبع الخدمه المدنيه مرتبها 4000 ريال و أعتذرت عنها قالو لي باقي لك فرصتين

دقو علي مره ثانيه وقالو فيه وظيفه نفس الأولى على الكمبيوتر بكلية البنات بالمدينه اللي زوجي يعمل فيها لأني

بالخيارات الوظيفيه أخترت القصيم ومدينة عمل زوجي

و حنا يا أخوات راح ننقل إن شاء الله للقصيم بس مدري متى تتوفر فرصة النقل

ممكن الشهر الجاي أو اللي بعده أو بعد ست أشهر أو بعد سنه يعني مدري متى بالضبط


زوجي يقول عادي بالعكس أقبلي فيها ولا نقلنا أتركيها و أنا متردده علشان عيالي

عندي بنت تدرس 3 أبتدائي و بنت السنه الجايه صف أول وولدين صغار



أفكر ببيتي و عيالي ما ودي يتغير شيء بسبب وظيفه الحمد لله أنا مو محتاجتها بس مجرد تغيير

جو ودي أطور نفسي شوي صار لي عشر سنوات متزوجه لا كملت دراسه ولا شيء

ممكن الوظيفه تغيرني وتخليني أتلحلح شوي



حافز قالو لي هذي ثاني فرصه لك و باقي لك فرصه وحده سألتهم قلت هل العقوبات لرافضي

الوظايف تتطبق علي قالو لا لأن ظروفك متغيره



أخواتي نوروني الله ينور عليكم ممكن وحده تقنعني بشيء

أنا جداً متردده بين ودي أغير جو وبنفس الوقت أخاف تنضر عيلتي



أستخرت كثير وما زلت غير مرتاحه هل هذا معناه أني ما أقبلها