أخواتي حبيت أفضفض لكم ما عندي غيركم ~_~

السلام عليكم ورحمة الله وبركاته

والله مادري كيف أبدأ موضوعي بس بدخل في الموضوع على طول
:angry:
أنا تزوجت من 3 سنين ملتهبة بنار الغيرة والشك لأن زوجي من أول الأيام وهو يلعب بذيله من وراي وعلى مدى هالثلاث السنين كلها كنت يا حامل يا والدة ...حملت من ثاني شهر بعد زواجي مباشرة المهم فرحت جداً وتحمست له لأنه بكري وأول الفرحة وفرحت أكثر لأنه ولد وأنا كنت (وهذا تغير طبعاً الآن وذلك لشقاوته مطلع عيني) كنت أفضل الأولاد وأحبهم أكثر ...المهم وأنا حامل زوجي تم يحن يبا يسافر ويا ربعه وأنا حامل لأول مرة تخيلوا !!! لكن هددته وخيرته بيني وبين السفر فغصباً عنه يلس وسافروا ربعه .. المهم يبت الولد وفرح به أبووووه فرح ما ينوصف ولكن صابتني حاله نفسيه مقرفة جداً كرهت فيها أبوه لدرجة قمت أتذكر أشياء كنت معدتنها قبل وأنا حامل وأحاسبه عليها فتضايق مني وبعد أسبوع من الولادة شل ثيابه وهج إلى المغرب وما أدراكم بالبلاوي اللي تصير في المغرب... الممهم بعد محاولات مضنيه مني ودوس مني على نفسيتي التعبانه رد ولأني خوفته على ولده قضى في سفره 10 أيام ما شبع منها على قولته......
مرت الأربعين وفرحت قلت خلاص ألحين ببدا نظام تغيير شكلي ونفسي بعد وإذا بي أحمل مرة ثانيه :icon28: لأن زوجي الحبيب يبغي عيال ورا بعض وما يباني أمنع حملت الجنين وحملت الهم وفي هذي الأثناء سار زوجي شهر كامل بعيد عنا في إمارة أبوظبي وخلاني أنا وولدي والحمل اللي في بطني ما رضى ياخذنا وياه مع انه كان يقدر بس هو ما يحب يتواجد ويانا ما يصدق تجيه فرصة يتفكك من الحياة الزوجية ينتهزها على طول سار هو من هنيه ومات جنيني في بطني من الهم من هنيه المهم لين ما خلصت الدورة انفجرت فيه أنا وحصل بينا طلاق وداني بيت أهلي وجلست 10 أيام ردني بعدها لكن أجهضت على طول لأن الجنين ما فيه نبض بصراحة فرحت وايد وقلت يمكن رب العالمين رأف بحالي واني مب قادرة أوفق بين حمل وتربية رضيع قطعت عنه حليب اللأم وبين زوج يبغي يشغلني بالحمل والتربية عشان يفضاله الجو يدخل ويطلع على كيفه
المهم هالمرة قلت أنا لازم أمنع الحمل ولدي عمره 3 شهور ما يصير أحرمه من حناني ورعايتي وخذت حبوب منع الحمل بصراحة أنا اشتريتهم ولا خذتهم من الخوف ولكن بعدني ما لحقت أخذهم إلا وعرفت اني حامل(للمرة الثالثة خلال سنه تخيلو رحمي المسكين اللي توه ما ارتاح من الولادة) وبعدين ريلي يعني ما شافني وايد ولا شبع من شكلي البناتي على طول حولت على الشكل البطوطي
المهم أنا حملت والحبيب انتهز الفرصة ورتب شنطته يبا يسافر المغرب مرة ثانيه انهارت أعصابي وما عديت الموضوع قومت الدنيا على راسه وانتهيت في بيت أهلي شهرين كاملين وهو في المغرب !! بعد الشهرين اشتاق للولد وبغى يشوفه فبدت محاولات الصلح ورديت لكن قلبي تغير من ناحيته تغير تماماً
المهم يبت البنت وتميت فترة 11 شهر ما حملت وأمنع بطرق مختلفة مرات حبوب شهر ما ناسبتني وبعدين الواقي الذكري و حملت بقدرة قادر مع اني أمنع لكن ما أدري شو الحكمة ليش رب العالمين يبتليني بالحمل والولادة كل سنه !!! اللهم لا اعتراض وهذا طبعاً على حساب صحتي وأولادي وزوجي والله الولد والبنت اللي عندي كأنهم توأم ما فيه فرق بينهم إلى اليوم اثنينهم يرضعون الحليب ويلبسون البامبرز:baby2: والمشكلة الكبرى اني ماقدر أخليهم دقيقة بروحهم ولا الولد بيجتل البنت


حملت للمرة الرابعه وتدمرت نفسيتي مرة ثانية وصار طلاق ثاني ومشاكل لين اليوم جراحي ما برت منه تداركنا الموضوع لكن بعدنا مختلفين أصلاً من أول الأيام ما اتفقنا لكن كملنا حياتنا مرة نوقف ومرة نمشيها متثاقلين والدنيا أيام تمر .....
ألحين أنا حامل لي 7أسابيع ولكني مرعوبه من الولادة رعب غير طبيعي وحتى الحياة الجديدة مع البيبي الثالث اللي بينضم لشلة التوائم الله يعيني عليهم...
يوم بولد بيكون عمر الولد سنتين و8 شهور والبنت بتكون سنه و7شهور يعني كلهم أطفال صغار جداً


حزينه جداً جداً والله هالإثنين مب مخليني أتنفس أحس الثالث بيكمل علي وخاصة ان أبوهم ما يشجع الوحدة انها تجيب عيال لأنه ما له أمان في يوم وليلة بيقوللج باي أنا مسافر مع ربعي للمغرب وتعرفون شوهناك :icon33: