أخواتي ساعدوني بأفكاركم الحلوة....

هلا والله أختي والحمدلله على السلامه..

دايماً تطلع النتيجه غير مرضيه في الديكور لأننا ننطلق بأحلامنا ونتوقعه يطلع جنان
ويمكن تكون بس زيادة درجه في اللون تحبط كل آمالنا..

ويمكن لأن الغرفه يديده تشوفين اللون بس لو كملتي الأكسسوارات
بشكل متنقن يمكن تقولين تلقين النتيجه أجمل من التوقعات بعد

لو تقدرين تعطينا درجة اللون يمكن نساعدج أكثر

وسؤالي هو هل كل جدران الغرفة فستقي؟ أم فيه جهات مختلفه
وشو لون الأثاث والستارة؟ ..
ولون الأرضية؟..
وكم حجم الغرفة
وهل ستايلها كلاسيك ولا مودرن أو وشو تصنفينه؟

عموماً دشي على موقع ART.COM
وأختاري أي لوحات بس للتجربه راح يعطونج خيار أنج تشوفين اللوحه على لون الحائط
اللي عندج, وشوفي أي ألوان تحسينها راكبه أكثر!

وعموماً أتوقع لو تدخلين لون يكون من تدرجات لون الحائط, يعني الأصفر الفاتح
(هذا في حال كان لون الصبغه عندج فاتح) عشان تحاولين تدرجين اللون وتخلين لون
الصبغه يضيع مع القطع اللي تستخدمينها..

لأني أتوقع لو حطيتي لون لو كان جميل مع الفستقي بس غامق راح يبرز لج اللون اللي مب عاجبج أكثر

حاولي تشترين قطع مافيها أشكال محدده أو رسومات بارزه وألوانها واضحه وتذكري انه هدفج
مش إبراز القطع هذي بل تخفيف لون الحائط ..

إذا عندج مساحه ممكن تحطين طاولة صغيره وكرسيين وتعلقين على الحائط اللي وراهم قطعة شيفون
أصفر فاتح أو أصفر على بيج وتكون فيها لمعه خفيفه منها وفيها.. بعد راح تخفف اللون.. وعشان جمالية
الشيفون هذا حاولي ما يكون بروحه جذيه يعني لو تكون لوحة وهو مميلته عليها .. عشان يكون دوره
تجميلي للقطعه الموجوده مش هو بحد ذاته مستخدم قطعة أكسسوار ( أتوقع أحلى) ..

لا تستعيلين ورتبي كل شي شوي شوي ... يعني تخيلي القطع بعدين دوري عليهم لا تشترين اللي تلقينه
ولو تاخذين معاج في كل مره تروحين قطعة من نفس لون الصبغة عشان تقارنين مع قطع الأكسسوار
اللي بتشترينهم..


لي عودة

همسة أخيرة
جربي تطرحين تساؤلج في هالموضوع يمكن الأخت تفيدج بما أنها مهندسة ديكور بس لا تنسين
توضحين لها بشرح أكبر عشان تلقين رد مرضي أكثر..
http://forum.hawaaworld.com/showthread.php?threadid=246649
الموضوع بواسطة الأخت عربوجة.

نفس الشئ صار معي
رجة اللون الأخضر طلع ورطة
وبس لحقت العامل وهو في نصف الجدار
وبعد رجاء وطلب وتوسل لزوجي وافق يعيد لون الجدار الأصلي (لونه كان ابيض )
ورغم ان الابيض مو عاجبني
لكن افضل من لون سبب لي العصبي...
(والغريب كان مع لون اصفر..مثل حالتك...والله المعين

-------------

اعتقد انك لن تجدي بسهولة مثل هذا اللون في الاكسسوارات
لذا عليك التركيز بما يناسبه من الوان وليس بما يشابهه
مثلا ضعي الستائر او اللوحات بما يبرز جمال هذا اللون

وللأسف لن استطيع اعطيك لون معين
لأنني لا اعرف الدرجة في الأخضر الموجودة عندك
حيث تعقدت من اختلاف الدرجات فيه بعد ما كان لوني المفضل

ربما بيج
او احمر
او برتقالي
او بني
او ابيض
او اصفر

هذه الاحتمالات التي اتوقع تبرز جمال الغرفة

وطمنيني عليك

(( روحــ لك ـــي و رومي )) جزاكم الله خيراً على الرد والاهتمام بموضوعي
الحائط مقسم بالعرض :-
الجزء السفلي : أخضر و الجزء العلوي: اصفر
لون الأثاث : خشبي ( كلاسيك )
لون ستارة : صفراء منقطة بالأخضر
لون أرضية : بنية

أريد ادرج اللون بس ما أعرف كم رقم عضويتي ...

جزااااااااااااااكم الله ألف خير على الاهتمام بموضوعي ... واتريا ردودكم

سبحان الله وبحمده
سبحان الله العظيم

حبيبتي
اذا بتقدري تغيري اللون للون البيج (اوف وايت) بيكون احلى شي وبيلبق مع كل الالوان.

مس دندن
جزاك الله خيراً على الرد ...
بس المشكلة ...
صعبة وايد ... أنا نقلت الاثاث إلى الغرفة ... ما أقدر اطلعها مرة ثانية ...