أخواتي ساعدوني في الخثاق الي طايح بجبدي

مرحبا شيفون انا اقولك على طريقتي تمام لانه انا زيك اول ماشفته
قلت هذا ايش ينعمل فيه قال لي زوجي عاد اتصرفي .....:34:


اول مرة جبناه دعكته بالليمون والملح وخليته ربع ساعة
وبعدين غسلته وقطعته مربعات صغيرة وحمرته على النار
مع قليل زيت وفلفل اسود وملح وماء وخليه تقريبا ربع ساعة الين
تنشف الموية وبعدين حطيه في صحن ورشي عليه شوي بقدونس و
زينيه بشرائح الليمون وبالعافية .


المرة الثانية قطعتهااصابع طويلة زي البطاطس المقلي
وتبلته بليمون وملح وفلفل اسود وبعدين حطيته في الدقيق
وقليته في الزيت ....وهني على قلوبكم .


المرة الثالثة ::: شوربة
يقطع الحبار مربعات صغيرة ......
تجيبي قدر وتحطي ((((زيت ...بصل ..ثوم ...الحبار...جزرمقطع صغير ..بصل اخضرمقطع صغير ....كزبرة خضراء مفرومة...ماجي ... صلصة الصويا ....فلفل اسود وكمون....عصير ليمونة وممكن استبداله بملعقة ملح ليمون ...))))تقلب المقادير جيدا على النار ثم تضيفي الماء وخليها تغلي 10دقائق وبعدين وسطي النار وخليه ربع ساعة..

والف صحة وعافية .:27:

هلا باختي شيفون
نفس الشي صار لي مرة الى ان نصحتني صديقة لي بطبخة سهلة و لذيذة
" و طبعا قصدك الختاك الي ينشال منه العظمة لان في نوعين الاول الصغير و ليس به عظمة و شكه مثل الجيب و هو لذيذ و استعماله سهل جدا و موجود في البحر الابيض المتوسط وليس موجود في الخليج و ان وجد فيأتى به من الفلبين اما الكبيرابو عظمة فهاذا اللي يطيح في الجبد و هو الموجود في الخليج
و اليك الطريقة
بعد تنظيف الخثاك اسلقه جيدا و قطعه قطع صغيرة
في طابة ضع شوي زيت و حمس بصلة مقطعة صغيرة و 2 فص ثوم مفروم
و بعد ما يدبل البصل ضع الخثاك و ضف البهارات :شوي زنجبيل
و شوي بهار مخلوط وشوي لومي اسود مطحون و شوي فلفل اسود
و شوي كركم و شوي شطة حسب الرغبة
و بعد يتقلى الكل ضع حبتين او ثلاثة طماط مقطعة صغيرة و ملع صلصة و ملح
و اتركهم شوي على النار حتى ينشف شوي ثم قدمه في صحن
ترى اختي شيفون لذيذ و جربه و ما تخسري شي
و لا تنسي تدعيلي

أحلى عيون ..
شكرا لك ..جربته وطلع جنان ..
هذي المرة الرابعة الي احاول اكتب لك فيها بس للأسف النت معاندني ..
أشكرك مرة أخرى وراح أجرب طرقك كلها في طهي الخثاق ..

شكرا أختي البحرينية ....كنت اتمنى تردين علي لعلمي بفن اهل البحرين في طبخ الخثاق ..طبقك مدرج في القائمة ..لأن الكمية الي جابها زوجي صغيرة يادوب كفت للطبق الي علمتني اياه عيون المها ..الله يجزيها خير ..
المرة الجاية لازم أجرب طبقك باين عليييه لذييييذ ..
شكرا لك وآسفه على التأخير ..والله انها المرة الرابعة أو الخامسة الي أحاول فيها الرد ..
تحياتي لك ..
شيفون