أخواتي صاحبات الولادة القيصرية أبغاكم شوي ..

اخواتي كيف حالكم ان شاء الله الجميع بخير:)

انا باذن الله ولادتي بعد شهر ونصف تقريبا ً قيصرية

عندي طفلين ولدتهم بعملية وهالمرة باذن الله بتكون عملية الله يسهلها يارب :(

أخواتي حبيت أسألكم فيه حاجة شايله همها مرررة وخايفة مع اني جربت القيصرية مرتين بس مدري ليش هالمرة غير

المرتين اللي قبل كان يجيني طلق واروح المستشفى عادي على اساس ولادة طبيعية بس الرحم ماينفتح لحد مايتعب الطفل ثمن يدخلوني غرفة العمليات واكون تافلة العافية وتصير العملية عندي جنة:hahaha:

بس هالمرة مدري ليه خايفة لأاني عارفه انها عملية بصراحه شايله هم ما يعلمه الا الله وبس افكر وش بيصير علي ليلة الولادة مدري بقدر انام والا يمكن بصير الله اعلم بحالي ذيك الليلة وانواع التفكير بعيالي وكوابيس ويا ساتررر بس انواع الخوف:(

الزبدة اللي بسأل عنها كيف تتكيفون مع ذيك الليلة اللي من بكرى عمليتك وتكونين منومة بالمستشفى وكيف تعدينها بسلام انا عن نفسي اتوقع اني بخربها :icon33:
وبصراحه لو على العملية ماشلت همها بس وداع عيالي وانا طالعة من بيتي ذيك الليله احس بتصير فلم هندي :icon33: :icon33: :icon33:

فكرت اخذ معي اللاب توب اوسع صدري عليه بس خفت لادخلت غرفة العمليات يلطشونه هاللي مايخافون الله
<< ريضة بالدنيا :hahaha:

بعدين قلت اخذ معي مصحف اقرا واصلي احسن لي واريح


اخواتي الله يخليكم اللي جربت اكثر من مرة تساعدني لأني من جد شايله هم ذيك الليله الله يسهلها علي وعلى كل حامل يارب العالمين