أخواتي صمموا مقص بوليسترين حراري بايديكم والحجم الي تختاروا

السلام عليكم ورحمة الله
اليوم حفرجيكوا مقص بوليسترين حراري صممتوا بايدي من مواد بسيطة .. انا عارف انو موجود مثلو في السوق .. لكن صغير زي الفرد .. او كبير بس مو زي ما بدك .. وغالي الكبير..
صنعتو من غير ما يكلفني الا اشي بسيط جدا لانو خشببتو كانت عندي مستعملة والمحول كان عن مسجل قديييييييييم وللكبب ..
وهاي صورتو.
218410

انتبهوا .. الارضية لو خشب لاتيه عادي جدا مستعمل كان عندي لباب
الزاوية فصلتها ألمنيوم مجوفة عشان يدخل من خلالها سلك الكهرباء الي حينقل الدارة الكهربائية للسلك الحراري
إذا بتلاحظو تحت الزاوية خشبة صغيرة عشان لما ركبت الزاوية حسيتها ضعفت فثبتتها وقويتها بهاي الخشبة

والآن بعض التفاصيل الأدق
218412218414

لاحظوا السلك الحراري الي مشبوك مع سلك الكهرباء..
هذا بسمو سلك حراري.. وممكن سلك تنجستون تبع الدفايات الي موصل للحرارة جيد
لاحظو انو مشبوك من فوق بزمبرك.. والسبب انو مع الحرارة حيتمدد .. فعشان ما يقطع لما يبرد .. ويظل مجال فيه للحركة بس لازم لما تركبوا تشدوا الزمبرك
218413

هلا من الخلف في كبسة بور للدارة الكهربائية الممتدة من محول الكهرباء إلى طرفي السلك الحراري
وبجانبها محول كهربائي .. وهاي بدكو تستشيرو بفولتيتها كهربائي حتى ما يقطع السلك ان كانت الحرارة عالية جدا ولا انو يكون بدون اثر اذا كانت الفولتية منخفضة جدا .. والمحول الي كان عندي الو درجات بحول على الي بدك اياه وكانت الفولتية 12 أمبير لما صار يقطع السلك بكل سهولة
لاحظوا كيف قطعو لبوليسترين مضغوط جدا .. وبكل اريحية.
218414

هلا هاي صورة للسلك كيف انمد من تحت وانوصل بالسلك الحراري
218415

لاحظوا انوا آخر السلك الكهربائي حطيت كلمن والهدف حتى يسهل الشبك والفك لسلك جديد اذا انقطع السلك القديم وبرضو حتى تكون موصل للكهرباء عبر وسط يتحمل حرارة السلك الحراري وما يذوب السلك الكهربائي
وبنقطة التقاء السلك الحراري مع الخشب حطيت سلك كوشوك احمر فارغ من الوسط بدخل في السلك الحراري.. والسبب حتى ما يحترق الخشب من حرارة السلك الحراري

وفي الختام ممكن تعرضوا هاي التفاصيل على كهربائي يعطيكو الاسلاك والمحول .. والخشب والزاوية الالمننيوم النتو صمموها زي ما بدكو وهيك بتعملوا مقص حراري للبوليسترين من غير تكلفة تذكر وبالحجم الي بدكو اياه
دعواتكن