أخواتي غير كل الخوات

الأسرة والمجتمع

بعد السلام حبايبي بنات حواء ادخل في الموضوع على طول لي ست خوات كل وحده لها افعال معي خلتني اغسل يدي منهاالاولى ظروفها الماديه تعبانه لدرجة كنت احول لها من راتبي واقول اذا ماساعدتها في هالوقت متى اساعدهامرضت وهي حامل ولها بنت عمرها سته شهور اخذتها اربيها مع بنتي الين الله اشفى امها في يوم من الايام صار بيني وبينها سوء تفاهم لقيت الحرمه ماسجلت لي غير المواقف السلبيه اللي لاتقدم ولا تأخر وفجرت في وجهي كلام ماينقال في بيت أهلي وأنا حامل وعندي سكر الحمل لدرجة رحت للدكتور بس ابي اتطمن اللي في بطني حي والا مات من هول الصدمه والتأثر بعدها يابنات خلاص ماعاد أنا طايقتها ولا عاد تهز فيني شعره لو وش ماشوف فيها الأخت الثانيه نظرتها اني اذا زرتها في بيتهاانتي بس تجيني عشان يتسلون عيالك وتقولي اذا رحتي لفلانه لاتدخلين بيتي يعني تبيني احب اللي تحبه واكره اللي تكرهه الاخت الثالثه وقفت معها وقفة رجال في زواج ولدها وأثأثت مطبخه من الى وحضرت معها زواج ولدهافي منطقه ثانيه ولا واحد من أهلي شاركها فرحتها غيري ومجرد مارجعنا من العرس أتصل عليها ماترد علي 0الاخت الرابعه جميله جدا وكانت مغروره بنفسها ترفض الخطاب وتتشرط الين تعدت الثلاثين تغير اسلوبها معي وحاربتني وكأن حالها يقول انتي اللي عنستي فيني0الاخت الخامسه كانت عاطله في البيت بعد الثانويه ودرستها على حسابي دبلوم حاسب مجرد مانتهت من دراستهالاتعرفني ولاترد علىالاخت السادسه اذا بغت شيء راحت تستفزعني وحنا مالنا غير بعضنا ومن هالكلام ساعدتها باللي تبي خلاص اقطعت وذا ذكرتها بخدماتي لها قالت انت تخدميني لمصالحك0تصدقون شعري كثر الشيب فيه والتفكير ذبحني ليه الهجر وقطيعة الرحم والله اني اكتب حالنا انا وخواتي وانا دموعي على خدي انا مستغنيه عنهم بس الدنيا ماهي حلوه من غير أهل جلست الانسان مع اهله غير جلسته مع الناس تقولون لي لاعاد توقفين معاهم بشيء أقولكم ماقدر الانسان مايهينون عليه اهله اللي ابيه منكم تدعون لنا الله يصلح ذات بيننا ويلم شملنا يارب0:icon33:
23
2K

يلزم عليك تسجيل الدخول أولًا لكتابة تعليق.

تسجيل دخول

aldanaobas
aldanaobas
اجرك على ربك


بس لاتكثرين معاهم علشان مايعتبرونه من منك انتي سويتي الي تقدرين عليه وخدمتيهم خليها على ربك

وعندك زوجك واطفالك يغنوك عنهم
أوشن دريم
أوشن دريم
الله يصلح ما بينكم ويألف ما بين قلوبكم
الكادي ليدي***
الكادي ليدي***
الله يألف بين قلوبكم يارب ولا يضيق صدرك مافيه شي يضيع عند رب العباد
mno0o0
mno0o0
لاتخدمينهم بشيء اطلاقا اسئلين انا الي زي كذا مايبان به المعروف ان قدمت كثير يكفي حبي لهم وافضلهم على نفسي وانصدمت لكن اذا نسيتيهم صدقين هم راح يدورونك ويسئلون عنك 0 الناس ماتقدر المعروف والمفروض ذولا اهل وكل شيء يكون تلقائي بس وش تقولين الدنيا غيرته قلوب الناس-الله يصلح احولنا كل المسلمين الان بحاجه لدعاء والدنيا الى زوال0
ساعة الحق
ساعة الحق
الله يعينك على بلواك