أخواتي من أبوي

الأسرة والمجتمع

السلام عليكم ورحمة الله وبركاته
بدخل بالموضوع على طول ....
حبيباتي ...انا وحيدة امي كابنت وعندي ثنتين خوات من ابوي زمان كنا ساكنين مع بعض علاقتنا كانت مرة حلوة ومرة سيئة طبعا في النهايه يحسسونس اني غريبه بينهم وانا احاول اني افوت اشياء كثيرة محافظة على اخوتهم لكن مع الأسف فيه فرق في التعامل بينهم ومعايه ...المهم الى ان جاء الحد الفاصل . حصلت مشكلة بيننا ومع الأسف ما وقفوا معي حتى زواجي ماحضروه .طبعا زوجي لاحظ هذا الشي وبدأ يسأل عنهم وحس ان فيه خلاف بيننا وجزاه الله خير حاول وضغط علي على شان ابدأ بالصلح وقمت بعدة زيارات لهم ولأمهم ويادوم حصل منهم تجاوب وانا عارفه انهم مايستاهلون لكن قلت لع وعسى وعشان صلة الرحم .زوجي بعد هذي الزيارات عزمناهم مرة وجونا كلهم ومن بعدها ماحصل منهم زيارة بحجة انه انا طالبه الزيارة تكون من بعد العصر وهم يالله يتغدون بعد العصر .يعني يبغون يجوني على بعد العشا ومايروحوا الا على الساعه 12او اخر الليل وزوجي ماعنده هذا الكلام .يعني لو جو بعد المغرب وجلسوا الى الساعه 11 مافيها شي والا يبغاك اكيد بيجيك .المهم غير كذا كان فيه مشاكل مع ابوي وزوجي ويمكن بعضكم عارف القصة انه ابويه كان يبغى يطلقني منه بأي طريقه اثناء زعل ابويه مني انا وزوجي كنت اعزمهم على نياتي عندي لكن كانوا يعتذرون ولما كررت الدعوة اكثر من مرة على اساس اني اختهم ارسلتلي وحدة منهم اني ما اقدر اجيك عشان خايفة من ابويه ما ابغاه يزعل مني .بالرغم انه والله العظيم اذا زعل ابويه من وحده منهم الثانيه تدافع عنها وتروح لها لبيتها ولا تهتم في زعله .انا من بعدها تضايقت كثير وزوجي من اول ملاحظ ان مافيه منهم اي تجاوب وقال خلاص خلينا بعيد احسن .الآن علاقتنا بأبويه انا وزوجي متحسنه كثير والحمدلله لكن علاقتي معهم بس بالرسايل وفي المناسبات فقط
وهم يقولوا لأمي ليش ماتجينا وليش وليش وماكأن شي حصل أنا فضلت التواصل الرسمي اريح وافضل حتى ما صرت احب اسمع صوت وحده فيهم بس بالرسايل .ودي أعرف آرائكم في الموضوع .
16
3K

يلزم عليك تسجيل الدخول أولًا لكتابة تعليق.

تسجيل دخول

سلطانه 220
سلطانه 220
الله يعين بس احسك طيبه معهم ومالك الا الصبر
تعبت أبكي
تعبت أبكي
والله ما امدح نفسي بس من جد على نيتي معهم
مشكورة سلطانه220 على مرورك
ام ااارااام
ام ااارااام
حبيبتي انتي سويتي اللي عليك وماقطعتي صله الرحم ليش ماتتصارحون ترى انتم خوات مالكم غناه عن بعض انتي باين عليك طيبه وحنونه
اميره الاماس
اميره الاماس
الله يكون بعونك
لولة m
لولة m
حبيبتي انتي ماشاء الله عليك سويتي اللي عليك وصبرتي والله يرزقك عل نيتك