بنات لاتشترون شي من الجرايد نصيييييييحة

انا مرة قريت اعلان عن زيت البابونج وانه يمنع التساقط وينبت الشعرومرخص من وزارة الصحة والتجارة و و و و و و .......
ولما دقيت عليهم حطولي الشمس في ايد والقمر في ايد
سعره 15 ومن ثوالتي شريته
لما فتحت العلبة اشم ريحة زيت زيتون فايحة وريحة املا
دقيت عليهم قلتلهم انتوا قايلينلي انه زيت بابونج خالص بدون اضافات!!!!
قالولي لا هو ريحته جذي!!!
عاد ولا الهندي يصدق
يايبه الريحة مبينة
قال اخوي انه يعرف واحد بحماية المستهلك
وبيسأله عنه
وداه والولد خذاه للمختبر وفحصه
تدروووون شنو النتيجة؟؟؟؟
الزيت مافيه ولاقطرة زيت بابونج
في زيت زيتون واملا وزيت ذرة وماااااااااااااي
تخيلوا حاطين فيه ماي عشان يترسون الغرشة
والمغفلين يصدقون
ولما سالنا عن الشركة بوزارة التجارة قالوا ان مومعطينهم ترخيص حق هالمنتج
معطينهم حق منتج ثاني بس اهم حاطين رقم الترخيص على انه كل البضاعة مرخصة

حطوا بالكم لاتضيعون فلوسكم
انا ماقمت اشتري من الجرايد
الا اللهم توصية من احد مضمون
وفي وحدة تبيع دهون انا اشتري منها لانها ثقة ودهونها روعة
وهي الوحيدة اللي ماتغش وسمعتها مثل الورد
وتقولج اخذي الدهن فحصيه اذا فيه شي رديه واخذي فلوسج

انا حبيت احذركم لاني انغشيت وماحبيت احد يغشكم لانه في ناس ماعندهم ضمير

السلام عليكم ،،،،

أختي صريحة أنا بعد أنصحج ما تسمعين كلام الجرايد أنا مقروصه مو منهم من هذولي إلي يطلعون في التلفزيون تيلي سين هوم شوبنغ ترا كله كذب في كذب .

لا تشترون منهم ولا شيء نصيحة

أختي كويتية عسل يا ريت تطرشين لي رقم هاذي المره الله يخليك من صبغت شعري و أهوه مو مترقع من الخشونة

و أنا راح أدعيلج من كل قلبي .....:44: راح نصلع مثل هذا الويه الحزين


حبيبة :24:

وايد ناس ما يمدحون هذا الزيت.......

لأنه قوي وايد على الشعر......

ديري بالك...ولاتسمعين كلام التجار.....يبون يمشون بضاعتهم

مشكووووووورين بنااااات ما قصرتوا ..،

بصراحة الواحد يشوف الإعلان يستااانس ويحس كل أحلامه راح تتحقق

بس لازم نفكر عدل على شان لا نندم .. كلامكم كله صح ...

بس قلت يمكن أحد مجربة وطلع صج زين لأنه الخطوة الثانية الي كنت بسويها

إني لمن ألاقي أحد يعرفه أشتري الزيت وأوديه للفحص في مختبرات التغذية

وأتأكد ... بس من حجيكم مارااح أشتريه خلاص أخلي هالشعرتين براسي
احسن ما يطيحون : ))

معلووووووومة مهمة :

بنات ترى الإعلان لمن يكون عليه مجاز من وزارة الصحة
يعني >>

نص الإعلان مجاز،، موالمنتج نفسه .. وكلامي أكيد
لأني سالت عن هالموضوع عدل ...يعني المنتجات بالإعلان وزارة الصحة ما تدري
عن هوى دارها،،

بس مجرد إنه مثل هالإعلانات لازم الواحد ياخذ لها ترخيص
وعاد الشركااات حاطين بالخط العرييض >>
مجاز من وزارة الصحة...،، وإحنا عبالنا المنتجات مضمونة

صج صج مشكورين من كل قلبي على كل نصيحة قلتووها ..

كويتية عسووولتنا .. ما عليج أمر بغيت رقم هذي الي تعرفينها يا ريت تطرشينه لي ..
وأكون لج شاكرة .

كويتية مشكوره وايد عالمعلومه يزاج الله خير انج نبهتينا ..

شكراااااااااااااااااااااااااااااااااان