أخواتي يعطوني ملابس ليا ولولدي أحيانا صغرت على ولد أختي وأمي تقلي تعلمي عزة النفس؟

عادي بين الاخوات مدام اختك ماتعطيكي هيا بطريقه تضايقك او تذلك فيها

لو انها ترمي كلام او تعطي بدون نفس هنا بقولك عزة نفسك وكرامتك

بس اختك تبغى تساعدك وتفرحك باي طريقه ولو تقدر اكيد كان جابت كل شي جديد

على فكره انا اعطي اختي الي يعجبها حتى لو مو محتاجه الاخوات لبعض وحتى القرايب لبعض

لاتزعلي نفسك ولما امك تقولك كذا قولي لها الله يخلينا لبعض المفروض تفرحي ياماما اننا كذا وقلوبنا على بعض هذا ثمرة تربيتك وتعبك علينا


وياريت تحاولي تعرفي مامتك تقول كذا ليش هل في سبب معين خلاها تقولك كذا ؟؟ يعني احد رمى لها كلمه خلاها تقول كذا او هيا من نفسها عشان مايجي يوم تزعلي وتقولك انا قلت لك من قبل عزي نفسك مارديتي عليه قولي لها في سبب يخليكي تكوني كذا وتقولي كذا حاولي تعرفي

ما فيها شي تاخدي من اخواتك..
نصيحه اكثري من الاستغفار وادعي ربك: اللَّهُمَّ اكْفِنِي بِحَلَالِكَ عَنْ حَرَامِكَ وَأَغْنِنِي بِفَضْلِكَ عَمَّنْ سِوَاكَ

الله يرفعك يا عمري وييسر آمرك ....
الخوات ما بينهم عزة نفس ويتبادلون دايم الاغراض ما فيها شي ....
وحتى لو كان ما لك مصدر دخل وآخذتي من خواتك الحمدلله أنتم خوات وتعينون بعض ...
وعزة النفس أنتي تنمينها بولدك بإنك تمدحينه دايما وتذكرينه بمميزاته وصفاته الزينة.... وإذا كنتي مطلقة ايش المشكلة يعني؟! يا كثر المطلقات والارامل واللي الاب ما يدري عن أولاده وهو موجود بينهم ...ومع ذلك الحمد لله نفسيات اولادهم تمام ولا يحسون بنقص عن غيرهم ...
أما عاد آمك فما نقدر نقول شي ...كثير من الامهات من حرقتها على بنتها تقسي عليها ...وما يحتاج اذكرك كيف تتعاملين معها ...لكن ادعي الله إنه يسخركم لها ويسخرها لكم ويعينكم على برها ... 

عادي مابين الأخوات شي

عادي بالذات اذا الملابس حلو وغاليه عادي نتبادل واللي صغر على فلان ياخذه فلان
حتى اللي ميزانيتهم كويسه ومتازه عادي ياخذون مافيها شي