أسأل مجرب ولا تسأل طبيب ☝️😂
بس ياقلبي مو ضروري اللي نفع معك ينفع مع غيرك مثلا انتي التعامل معك حيواني غيرك التعامل معه يكون إنساني وراقي ..

ياحياتي تصير جاريه ✋🏻✋🏻✋🏻استوقفتني الكلمه
ليش تصير جاريه وهي معززه مدلله ببيت ابوها
ليش تصير جاريه والرسول عليه افضل الصلاه والسلام وصى ع النساء
ومااكرمهم الاكريم
اذا انتي راااااااااضيه بالعصا وراااااااااضيه تكونين جاريه معليش انتي قدرك كذا
بس الحرمه المعززه المكرمه ماترضى تكون جاريه ل اي احد

ياليت توفرين نصايحك لنفسك وتثقفين نفسك وتصلحين عيوب تفكيرك علشان العصا لايشتغل



عفانا الله ممابلاك

قريبي كان كذا كانت زوجته فيها عناد الدنيا مع انه كان مدلعه دلع محد شافه ورب الكعبه انه كان يعطيها مصروف شهري ٣٠٠٠ لانه مبسوط ماديا كانت سفريات رايحه جايه ملابس من اغلى الماركات كانت لا تطبخ ولا تغسل ولا تسوي شي وهو تاركها على رحتها واذا طلب منها شي سوت مشكله وقالت طلقني كلم ابوها لكن اذن من طين واذن من عجين كلم امها قالت اذا ماتبغى بنتي جبها صبر سنين طويله وفي الاخير يوم شاف عمره ضاع طلقها وتزوج وحده ثانيه وربي عوضه فيها
باختصار المراه العنيده مالها دواء واي طلب منها تحسه كسر في كرلمتها

اذا كلامك صدق فوالله مالها حق ابدا
خليها فترة لاتجري وراها ...وهي اذا شافتك مقفي بترجع واذا مارجعت براحتها

اقرأ الردود على المشكله واندهش بعض الحريم انجنو وقعدو لا عقل ولا منطق !
يابو البنات مو على كيفك تزعلها وعلى كيفك تبيها ترضى ؟

لو انت مكانها تقبل ان زوجتك تروح لابوك وتطلع اسرار بيتك وتحط فيك عيوب الدنيا وتخليك ماتسوى قرش ؟

وين الموده والرحمه اللي مذكوره بالقران ؟

وين الحوار الهادي بين الازواج والتفاهم وتقريب وجهات النظر وفهم الطرف الثاني ؟



عموماً المشكله فيها حلقه ناقصه وسمعناها من طرف الزوج المتسبب بالمشكله وماسمعناها من الطرف الثاني الزوجه اللي اخذت رد فعل قوي وراحت لاهلها وعافته ..

ومستحيل الحرمه تترك بيتها عشان طلبات مطبخ وطبخ اظن في تراكمات كبيره بينكم

والله اعلم حسب الواضح ان الزوجه تعاني من قلة تقدير الزوج وعدم مراعاته لها ولحالتها الصحيه والنفسيه وعنده سوء تقدير لحجم المسؤليات الجديده على عاتق زوجته كأم لبنتين صغار ضمنهم رضيعه

وبس اقترح على صاحب المشكله يجرب يوم واحد يعتني بطفلتين من استحمام ورضاعه واكل ولبس وصياح وبكاء ومدارة ويركز على الطفل الرضيع كل ساعتين يحتاج رضاعه وتغيير حفاضات والنوم ماتذوقه إلا بالحسره ساعتين وتفز على صياح يعني اليوم يمر ملاحق ورا العيال ارهاق جسدي ونفسي فظيع

وفوقها ماتلاقي تقدير ولا كلمه طيبه وشريك حياتك بس ينافخ عليك ويتشكى ويروح مثل الطفل لابوك يشتكيك !
الحرمه وش تبي غير كلمه طيبه واحترام وان قصرت انت سترها وغطاها كل شي ينحل بالحوار والتفاهم بكل احترام وتقدير تفهم منها وش اللي يمنعها وهي تعرف انك محتاج اهتمام وكل شي بالاحسان والمعروف والكلمه الطيبه

ومسألة العناد ابداً ماهي عذر ولا عائق ملايين من المتزوجات عنيدات بس ازواجهم مايحسون بالنقص لانهم واثقين بأنفسهم ويعرفون يتعاملون مع زوجاتهم بإحسان مايفكرون يكسرون راسها عشان تخضع بالنهايه الانسان له كرامته وله طاقة وقدرة تحمل معينه مصيرها تنفذ !!

عشان تصلح المشكله اترك زوجتك اسبوعين ثلاثه ترتاح عند اهلها لكن لا تهمل زيارة بناتك والنفقه عليهم

واذا كنت فعلاً شاري أسرتك وماتبي تفرق شملكم لازم تصلح من نفسك ومو عيب انك تتثقف في الحياة الزوجيه وتسجل في دورات وتتعلم كيف تضبط انفعالاتك وتكون حكيم في قراراتك وتتعلم ان الحياة الزوجيه مشاركه اخذ وعطاء متى ماطغت عليها الانانية وقلة التقدير لحجم المسؤليات تنهار وتفشل

وبعد كم اسبوع جرب تتكلم مع ابوها بمجلس بيتهم التلفون ماينفع لازم تتكلم وتعترف بغلطتك انك بلحظة غضب تسرعت وندمت ولازم تعترف بتعبها وتحفظ الجميل والمعروف اللي جاك منها اللي انت اساساً مو شايفه وتعتبره واجب عليها مع انه حتى بالشرع الزوجه غير واجب عليها الطبخ والنفخ والغسيل هي تسويه من باب المشاركه والتعاون بالحياة .

واذا هدأت الاجواء حاول تطلب انك تقابل زوجتك على انفراد وتعرف وش اللي بخاطرها بالضبط وتفهم منها وهي تفهم منك ليش سويت معها كذا والحوار يكون ناضج محترم قربو وجهات النظر وسدو الفجوات بينكم واطلعوا من هالنقاش فكرو وش تبون بالضبط وان دعى الامر انك تجيب لها شغاله تساعدها عشان تقدر تتفرغ