أخوي باقي على زواجه اقل من شهر .. ويقول ظلمتوني بهالعروووسه

بسم الله الرحمن الرحيم ,,,

كيفكم حبيباتي .. والله اني احبكم في الله واستفيد كثثيييييييييييير منكم الله يجزاكم خيررر ويعطي كل وحده ماتتمنى واكثرررررررررررر ...

مثل مو اضح المشكله في العنوان ...

اعطيكم نبذه عن اخويه \\
انسان متبلد بااااارد مو راااعي مسؤوليه ابد ابد ,,
يبي كل شي يجي لين عنده بدون مجهوود والله لو احكي لكم تصرفاته بزرر مرره ,, ابوي قايم بكل زواجه والله احيان اقول شكل ابوي اللي بيتزج مو هو ههه
لان تكاليف الزواج كلها على ابوي .. وهو مبرد اعصابه .. ايه وكمان فيه بخل :humm: مايحب يصرف ..
وماعمره عطى حتى امي ريال الا بطلب منها ويعطيها بالحسره بدون نفس :humm: ومبلغ ماينذكر .. استغفرالله بس
اهو وصل عمره 30 سنه تخيلوا وماعنده حس بالمسؤوليه ابد .. حتى مهر البنت بالقوه دفعه يقول كثير عليها هي اصلا عمرها 27 سنه كبيره المفروض مهرها قليل هذا بالبدايه ,, وتخيلوا يوم كتب كتابه عليها ماجاب لها شبكه بس دبل جاب وهدية مكياج . فشلنا طيح وجوهنا قدااام الناااااس ..
وسبحان الله اهل البنت ذووق ويبون لبنتهم الستر فقط ماشترطوا ويحاولوا ييسروا قد مايقدروا طلبوا المهر40 الف شامل كل ,, ومع ذلك اخوي مستكثرها,,,

انا شخصيا اخوي ذا مااحتك فيه ابد حتى الكلام معه ينرفز يناظرني بأستحقار وهو يكلمني ومايحترم ويتريق على ابوي واسلوبه .. مرره غير محترم احيان ابكي من طريقة كلامه عن ابوي استغفر الله بس ..
ماحد مالي عينه ..

والله ابوي ماقصر معه ,, ومع ذلك مايطيع ابوي ويستهزئ فيه ,, ودايم يقول ابوي ظلمه ,, ويقول امي ظلمته واحنا ظلمناه وجدي ظلمه ... <<مدري وش يحس فيه ؟؟؟
مو صاحي الحمدلله والشكر ..

وانا حزينه ع البنت والله بااين عليها طيبه وتبي الستر بس حظها طاحت في واحد مثل اخوي .. وهي جريئه ماشاء الله تتواصل معاه وتتصل وهو مطنشها تقوم تتصل علينا تقول ليش مايرد عليها؟؟
انعكست الآيه بدال مو هو يدور لها هي تدوره :twirl:
وتنصحه بصلة الرحم والصلاه <<هي ملتزمه .. وكل اخبارها والكلام اللي تقوله له يجي يعلم امي ويعلم جداتي يعني سوالفها كلها منتشره بالعاااائله مافيه خصوصيه ولا اسرار بينهم ..
الله يعينها بس ..
ودي انصحها تراجع نفسها بس اخاف يصير مشاكل وهيك ..

و اليوم يقول لامي ظلمتوني بهالبنت طفشت منها بس وتتصل علي >>احمد ربك احد اعطاك وجه بالحيااه .. استغفرالله بس .

مدري وش شوركم \\ والعروسه اختارتها اختي الكبيره وواثقه من اخلاقها..

انا اصلا من زمااان من قبل مايخطب اخوي وانا اقول في ليلة زواجه بروح اقدم تعازي الحآره للعروسه بقولها عظم الله اجرك طحتي وماحد سمى عليك..

الله يهديه بس ..
انا كتبت هالموضوع ابي اشوف هل الرجال بعد الزواج بيهتدى ويتغير للافضل لان امي مهمومه من كلمته دي اليوم وشاااايله هم وهي تدري انه مو حق مسؤليه كان عندها امل انه اذا تزوج بيعقل ..
بس للأسف اليوم حطمنا كلنا ,, وخاصه بعد الزواج راح ياخذها منطقة بعيده لحالهم يعني بيطلع عيونها :biggrinlo

الله يهدي الحآآآآآآآآل ..

عطوني آرآئكم بصراحه .. وش نسوي لهالمخلوق :31:

وبرضه ابي اطمن امي اذا فيه امل يتغير لاني حطمتها نفسيا ومعنويا قلت لها ولدك ذا ماراح يتغير والله يعينها عليه انا صراحه اكره تصرفاته ..

وايش رايكم يوم الزواج ابارك لها والا اعزيها :biggrinlo


لانه وعد قطعت على نفسي من زمااان خخخخخ