& أخوي بالتمهيدي.. محتاجة مساعدتكم:)&

السلام عليكم ورحمة الله وبركاته


كيفكم ياحلوين





القصة ومافيها إن أخوي الصغير بالتمهيدي

وهو الآن خلصت مدرسته.. يعني قاعد في البيت

المشكلة مافي أحد فاضي له.. كلنا مشغولين يابالشغل يابالاختبارات والدراسة

لذا هو قاعد نوعًا ما طفشان.. هذا غير انه مسنتر على التلفزيون وأزعجنا بقناة ديزني

وهو شرير شوية ومايحب يلعب مع أصحابه..:44: يقعد يقول لهم ما أحبكم وهم يحبوه ويبكو<<<مدري على ايش شايف نفسه:mad:

المهم ماعلينا من هذي التفاصيل

اللي ابغاه من فضلك أشطة أو أشياء ممكن يعملها لوحده.. حتى لو ألعاب مفيدة برامج أي حاجة تفيده كتب يقدر يشتغل عليها لوحده

أهم شيء انه ممكن يفهمها لوحده لو شرحنا له ايش يعمل لأن زي ماقلت لكم محد فايق له الآن.. الين تجي الاجازة يصير خير بعدين

بس دحين قدامنا 3 أسابيع وما ابغاه يقعد كدا قدام التلفزيون.. له 3 أيام ما غير بيجامته. من يوم يصحى عالتلفزيون الين يخلص






لذا أريد مساعدتكم لا هنتو:) جزاكم الله خير