أخوي في المتوسط..ودايما مستهتر ومايحب الدراسة..ومايشبع من الفلوس..ايش الحل؟

ادعو لأخوي بالهداية الله يهديكم ويهدي اخوانكم واعيالكم وأهلكم..

السلام عليكم...

بنات مالجأت لكم الا لأني فعلا محتاجتكم..
في القسم الاسلامي أكيد فيه البنات والأمهات والمربيات والمعلمات وغيره..

المشكلة ان أخوي في صف ثالث متوسط..وفي مدارس خاصة..

مستهتر في كل شي..وكلشي عنده مسخرة..مايحترم أحد..لاصغير ولاكبير..
ومايحب يدرس..ومجنن أمي وأبوي بهذا الموضوع..

مع انه أهلي يصرفون عليه مبالغ طائلة على دراسته..
وكل سنة يسافر..
وفوق كذا دايم همه الفلوس ويقول انتو ماتعطوني..وشوفو أصحابي عندهم مرسيدس وأمه تعطيه كل أسبوع 500 ريال..
ودايم يبي يأكل من ماكدونالدز ومن بره واذا قلنا له هذا ضار يقول لأنه احنا فقراء ويعصب ويزعل..

مثل ماقلت لكم انه هو في مدارس خاصة ويسافر كل سنة بس مشكلته مايشبع .. دايم يقارن نفسه بأصحاب المليارات (لاحظوا انه مايقارن نفسه بأي أغنياء..يقارن بالمليارات)..

واذا تكلمنا معاه بأدب يجي يصارخ ويعاند..

أنا خايفة عليه أبيه يكون مؤدب ويحافظ على صلاته ودراسته ويحترم أمي وأبوي.. ومايقارن نفسه بغيره..

أنا خايفة على مستواه الدراسي ينزل بهاالسبب..

ايش أسوي بنات..انصحوني..ابي أسمع كل أفكاركم..