~~ أخوي مسويني فـــــــــــــــــار وقافل علي بالقفص ~~ الحل معاه !!!

السلام عليكم

بعرض عليكم مشكلتي واتوقع انها مش الكثير من البنات






مشكلتي مع اخوي



اول شي انا وحده كبيرة لاني مراهقه ولا بزر


اعاني معاناة مع اخوي اللي اكبر مني


والسبب هو انه يرفض يخليني اطلع من البيت لاي مكان كاااااااااان ممنوووووووووع ممنوووووووووع


ليه ؟؟

لان لازم ما اطلع الا ومعي محرم !!!! مدري اشدخل المحرم في الاماكن داخل البلد !!

المحرم في الشرع والدين هو للسفر او المكان البعيد اللي يتطلب محرم


مافي نص في القران ولا حديث يقول المرة لو بتطلع خطوتين من بيتها لازم محرم معها !!! مشكلة هالنوعية من الناس اللي مايجي على هواها تلصقه بالدين غصب طيب الا يطلعون هم صح !!!


انا مش مقتنعه برأيه لان المحرم ماورد الا في حال السفر فقط


اما لو بطلع مستشفى او بروح سوبر ماركت او بطلع لبيت احد من اهلي اظن مافيها شي

تعبت معاه وتعبت وانا اقول له


طفشت من حياتي

طفششششششششششششت


جنبنا حديقة حلوة ومرتبه خاطري اروح لها كل يوم اسوي رياضة مشي يمنعني

طيب ليه ؟؟ يقول ماعندك محرم !!

زين والمحرم ماعندي الا هو وهو دايما مشغول او طالع برا

والثاني فاصل في عالم اخر من الحياة طول النهار رقاد والليل سهر

ماعندي احد ابدا

وامي مرة كبيرة صعبه اخذها معي

اقول له بخلي السواق يحطني وعقب ساعه يرجع لي يرفض !

حتى لما اطلع من دوامي وامر السوبر ماركت اخذ لي بعض الاغراض الناقصة يعصب ومايعجبه مع اني اكون رايحه دوامي مع السواق بروحنا !

بس يقول لا تنزلين للسوبر ماركت لحالك


مع اني محتشمه بعباتي ولبسي

والله ولا عمري تعرضت لموقف معاكسات لان طريقتي بالمشي وطريقة لبسي جدا محترمه وادخل اخذ غرضي واطلع بسرعه

وتعرفون احنا بنات نستحي ناخذ بعض الاغراض لو معنا رجال

عيييييييب وماقدر الصراحه اخذ راحتي اشتري شي ومع احد من اخواني

طيب والحل شلون اقنعه !!!!


تدرون لي سبع سنين احن عليه اقول له خاطري اشوف البحر حتى لو من بعيد يقول مو فاضي

اقول له طيب خاطري اروح المول الفلاني مو فاضي وان راح معي كأنه يسابق في المشي حشى رايحين ماراثون مب تمشية ماحب امشي به وماحب طلعاته نمشي ساكتين جنب بعض واحسه مغصوب مو مستانس بس عشان يسكتني

وانا احس بزهق لما اطلع معاه ما انبسط ابدااا لاني ما احسه مبسوط وخاصة خواتي لما احن وابي اطلع مكان مايطلعون معنا يقولون دام فلان هو اللي بيودينا اجل مانبي واضطر اروح انا وياه بروحنا وانواع الملل

اكيد هالشعور البعض حس فيه

ضيقه البيت وتقضين طول الوقت فيه لا شغل ولا مشغله تفقعت عيونا من الانترنت طول الوقت عليه لا طلعات زي الناس ولا جيات

والسواق مرتاح ماعنده شغل الا وقت الصباح والظهر يطلعنا ويرجعنا وبس

احد يقدر يدلني على طريقة او حل نتعامل فيها مع الناس اللي يدخلون الدين بكل شي ومافي اساسا نص ديني ينص عليه

مجرد هوى النفس