مافيه داعي تكبرينها وتسوينها مشكله خلاص بنتك لاتروح عندهم

كلميها بهدؤ وقدام اخوك حتى يكون واضح له وما تفهمه هو شئ ثاني...

ومن بين السطور علميها ميزة الحرمة النظيفه وخلي زوجها يفهم ...

لاتكبرين الموضوع عادي وترى البزر ماتاخذين بكلامه امكن بنتك مزوده شي خليك عاقله وبنتك لاتروح لشقتهم بدونك واكسبي اخوك وافتكي من حقد مرت اخوك والله انا بوقت يخوف الواحد بس يبي السلامه وصدقيني والله السالفه ماتستاهل زعل قولي لزوجك انا كلمت اخوي والبنت الله يهديها مزوده الموضوع واخوي تفاجئ وهاوش ولده ليه يقول لهم رتبو يعني بالعربي بيني الزين وزوجك حلال تكذبين عليه بالله وش تستفيدين اذا زعلتي اخوك

انصحك لاتكبرين المشكله عشان مايصير بيك وبين اخوك مشاكل
وزي ما قالوا البنات قولي الموضوع بطريقه غير مباشره
ولاتخلين بنتك تروح عندهم

ان من رأيي كلميها بس من دون زعل بمزحه قوليلها كان طلبتيني الشغاله تنظفلك شقتك ماله داعي تكرفين البنت!!!
ارميها كلمه واسكتي لاتسوين مشكله لأنه بيني وبينك الموضوع مايستاهل تزعلي منها وزوجك ياخذ موقف..