أخوي وزوجي .. والله تعبت ..

مجهووووله :

اول شي يااختي اقول الله يسخرهم لبعض ويصلح الحال والله ماعندي الا اني ادعي لكم وان الله يألف بين قلوبكم جميع ... بس عندي نصيحه واتمنى تتقبلينها بصدر رحب وانا والله ما ابي من وراها شي الا اني اكسب اجر ... اختي الغاليه انتي غلطتي غلطه وانتي ماتقصدين وانا متأكده من هالشي لكن صدقيني يالغاليه هالشي ماراح تحسين فيه الحين الا بعد ماتتزوجين ان شاء الله وبعد الزواج بسنين او على حسب الموقف والظروف الي بعد الزواج يالغاليه غلطتك انك تكلمتي عن اخوك قدام زوجك لما قلتي وزوجي أول يوم في ملجتنا .. قالي أخوج رافض زواجنا .. لانه الملجة ما حضرها .. قلت له ما عنده عذر مقنع يخليه يرفض .. وما كان هامني رايه لأنه رأي أبوي - الله يطول بعمره - أهم شي عندي .. يالغاليه الوحده لما تتكلم عن اخوها بالطريقه هذي عند الزوج ترا يحط في باله الزوج هالشي وبعدين راح تتمادين بدون ماتشعرين صدقيني وتتكلمين اكثر عن اخوك قدام زوجك وهالشي راح ينتقص من قدرك وقدر اخوك قدام زوجك حتى لو ماقال زوجك شي بس صدقيني الزوج غير يحط في باله الكلام وماينساه مو مثلنا الحريم ننسى كل شي فنصيحتي مهما كانت علاقتك بزوجك وحتى لو تموتين عليه لاتتكلمين عن احد من اهلك او تنتقصين من قدره قدام زوجك لان هالشي راح يأثر صدقيني وبعدين يالغاليه مو معناها لما تسوين هالشي انه يعني اثبات حبك وثقتك بالزوج واحساسه بهالشي في امور كثيره تبين انه انتي وزوجك شي واحد بس طلعي اهلك عن السالفه حتى تكبرين انتي واهلك بعينه وحتى لاتتولد بنفسه زوجك بعدين لما يعرف شعور اخوك تجاهه اشويه ضيقه وممكن حقد وياخذ بخاطره وانتي ماتبين تبدين حياتك بهالطريقه وياليت تحاولين تذكرين كل واحد بالخير عند الثاني ومع الوقت راح يتغير كل شي باذن الله اعذريني الكلام مو مرتب ولا متناسق كتبت الي اقدر عليه والي اقدر افيدك فيه شاكره لك سعة صدرك وتقبلك لكلامي والله يوفقك ويبارك لك ويسعدك ويجعلك قرة عين زوجك اللهم آمين تحياتي لك اختك المحبه للخير مجهوووله

اول شي يااختي اقول الله يسخرهم لبعض ويصلح الحال والله ماعندي الا اني ادعي لكم وان الله يألف بين...

Nouvelle :

وعليكمـ السلامـ ورحمة الله وبركاته... هلا اختي..بداية حياتي... احب اقولك ان هالمشكله مو مشكلتك لحالك..فيه كثير يمرون فيها... ومنهمـ اختي ... اخوي من ابوي ماكان موافق على الزواج.. وحاول بكل الطرق انه يخرب السالفه ..ونفس اخوك تقريبا يقولها العمر قدامك وبيجيك اللي احسن منه.. وزوجها ماتوقع فيه شي عشان ينرفض..بس الظاهر فيه احد يزن على راسه..؟؟ وفيه وحده ورى هالموضوع تحاول تخرب السالفه..بس فعلا كان عندنا ايمان قوي بحديث فيما معناه ..ان لا احد يستطيع ان يضرك الا بامر الله ولا احد ينفعك الا بامر الله...وصدقيني دايم اختي تكون مؤمنه بالعباره هذي .. والحمدلله استخارت واستشارت وتم الزواج على خير .. وعلى فكره اذا اخوك حضر الملجه متاخر اخوي ماحضر الملجه من الاساس...؟؟؟ وعادي اختي قالت لزوجها ان اخوي مو موافق.. ولاتعطين الامر اكبر من حجمه ..اخوك يسلم عليك والحمدلله اما زوجك فمابينه وبينه صلة رحمـ..ولو ان المفروض يسلمون على بعض بس الشكوى لله..والله المستعان.. وترى الايام كفيله انها تحل المشاكل .. وديري بالك على حياتك الزوجيه ولاتخلين هالامر ياثر بعلاقتك مع زوجك.. اخوك شي وزوجك شي ثاني ... بالتوفيق

وعليكمـ السلامـ ورحمة الله وبركاته... هلا اختي..بداية حياتي... احب اقولك ان هالمشكله مو...