ήǎώǎl @iawal

عضوة نشيطة

أخوي و اللاب توب

السلام عليكم ,,

صباح الخير ..

راح أقولكم الموضوع على طول ’’

أنا لي فترة شارية لاب توب ,,

لكن ما شرته إلا بعد ما أشتغلت ودخلت جمعية وكنت مستنية الجمعية سنة كاملة عشان أقدر أشتري
اللاب توب ,

لكن أخوي اللي أصغر مني يعني مو صغير عمره 22 ،،

أحيانا يحتاج اللاب توب لما كان وقت الرداسة أنا عادي أعطية وعادي جدا عندي

حتى أنا حاطة باسورد عشان أخواني الصغار ما يلعبوا فيه وأخووي هذا هو الوحيد اللي يعرفة

الزبدة في الموضوع أن أبوي كل ما شافني يقولي عطي أخوك اللاب يلعب فيه حتى لو كنت أنا جالسة عليه يقولي ليه ما تعطين أخوك يتسلى فيه أنا أتضايق من هذا الشي ما أبي أكون مجبورة أعطي غيري أشيائي الخاصة ,,

أول كان معاي لاب تووب أخوي الكبير لما شرا له واحد جديد عطاني حقه القديم وأبوي كان نفس الشي يقولي عطي أخوانك يلعبوا فيه إلى ما أستولوا عليه وبالأخير صار اللاب توب حقهم وأذا بغيته لازم لما يفضوا منه أول ,,

ماتضايقت كثير لأني ما شريته بفلوسي ولا تعبت فيه ,,

كل مره يقولي أبو أعطي أخوك فيه نفسي أقوله لو أن أخوي هو اللي شاري اللاب توب بتقولة أعط نوال تلعب فيه ؟؟
بس مستحيل أقول لأبوي كذا

بس يضايقني هذا الشي ومو عارفة ايش أسوي

لاب توبي ولا أقدر أخذ راحتي فيه
حتى هنا فيه مواضيع خلطات وأزياء وتمارين وقصص بنات ما أقدر أحفضها لأني ما أبي أخوي يشوفها ,,

حتى لما أخوي ياخذ اللاب واجي بعده أشوف الصفحات الأخير كلها كانت أغاني وأفلام
وأشياء وسخه وهذا يضايقني أكثر وأصير ما ابغى أعطيه أبدا,,

أدري أن كلامي كثير بس مالقيت أحد يفهمني ,,

هو مو بخل لما اخوي يطلبوه بنفسه أعطيه بسعة صدر لكن مسألة أني أكون مجبورة هذا هو اللي يضايقني ..

يلزم عليك تسجيل الدخول أولًا لكتابة تعليق.

تسجيل دخول

الكـــادي • 12 سنة

سوي لك حساب خاص وحطي لك باسوورد .

وانصحي اخوك من الاشياء اللي قاعدد يشوفها
وقولي له حرام وانت مو صغير

واذا حسيتي ماينفع
قولي لابوك ووريه الشغلات عشان ماعاد يقول لك عطيه اللاب توب

ويابنت الحلال لاتتضايقن من التفرقه
انا ابوي كان يفضل اخوي علي بمليون الف مره ولكن اسكت ما اقول شي

اخوي لو يقول اذبح اختي .. قام ابوي ذبحني ههه

تصبري وناقشي ابوك في الموضوع وقولي له الاب حقي وانا احتاجه واذا يبي اشتر له واحد
ودراسته اولى من اللاب توب والاغاني والخرابيط

والله يعينك

ام الأمير2009 • 12 سنة

طيب ممكن تفهمي ابوك قولي في اشياء خلطات بنات وصور ازياء ما ارضي اخوي يشوفها ..كم مره يطلع عليها واخاف اكون سبب لانحرافه .....وعلي طول راح يفتهم...
تعالي بالكلام اللين وان شاء الله يكون مابغيتي..

ήǎώǎl • 12 سنة

لما أقول لأبوي كذا يفهمني غلط يقول أذا ما تبين أخوك يشوفها معناته فيه ان حاولت أفهمه أنها أشياء بنات بس مو راضي يفهم

الكادي لو سويت لي حساب خاصة معناته أن خلاص لأخوي نص اللاب وانا نص أنا ما أبي كذا

شاكره ردودكم حبيباتي

حرف.الغلا • 12 سنة

الله يعينك طيب ليه ماتقولين لأخوك يشتري لاب توب جديد له هو أو أنتي إجمعي من مصروفك و إشتري لاب توب

ضحكة هم • 12 سنة

الشحاد الحين بالوقت هذا معه لاب توب
خلي خوانك يشترون او اشتري انتي
جديد تلاقين 1100 وومكن اقل انتي تبين تصفح وشغلات عاديه مو شغل يعني اي لاب توب يمشي الحال