أخوي يبغى يتعالج من المخدرات

صباح الخير:(

قبل 5 شهور جاء أخوي الصغير عمره 20 لغرفتي يبغى أكياس صغيره ..قلت وش تبغى فيها ..وكان معصب وعيونه حمر .. قال وش دخلك .. عطيني أكياس ..المهم بعثر أغراضي وأخذ وطلع من غرفتي ومستغربه انا من تصرفه ..شكيت انا فيه ..رحت لغرفته وفتشت ..وطليت فوق درج الملابس ولقيت كيسه فيها حبوب أكثر من 300 حبه .. انا ما اعرف شكل المخدرات كيف ..اتصلت على أخوي الثاني ووصفت له شكل الحبه ..وقال لي بسسس هذي مخدراااات ..

انا انصدمت ومااانمت ذيك الليله .. وكل ماشفت أخوي يتقطع قلبي ..اخاف يتطور الوضع الى الأدمان وبعدها هيروين عافانا الله ..المهم مسكت أخوي ونصحته وقال لي انا اروج بس ما استخدم .. هاااوشته وصرخت عليه ..وتزاعلت انا وياه وماتكلمنا الا قبل شهر ..

انا ماعندي أحد اشكي له .. قلت لأمي ومابيدها شي .. وكلت أمري لله ودعيت له من قلبي ..
اخواني كلهم ما عليهم منه ..إلا واحد من إخواني قلت له وقعد يصيح ويبكي ..ويقول تدرين إن هذي اللي ياكلها مايتركها ..يعني يصير مدمن

تغير حال اخوي الصغير ..صار يتغيب عن دوامه بالأيام .. مايقعد بالبيت ..

المهم قبل اسبوع .. كااااااااان تعبااااااااااااان مررررررررررررره بس طاااااااااااااايح على سريره .. وأحسه يسوي أشياء مايدري عن نفسه .. مثل يتكلم بس مايدري وش يقول ..أحسه مو بعقله ..يضيع الأشياء .. مايروح الدوام ..عيووونه حمراااا .. المهم سألت امي قلت وش فيه ..قالت يقول انا فيني عين ودوني الشيخ يقرأ علي

أو بروح لمستشفى الأمل ..أحس فيني نفسيه

انا قلت لأمي .مصدقين إن فيه نفسيه ..

هو يبغى يتعالج من الأدمان .. بس مايبغى أحد يدري ..خصوصا أبوي

المهم حاله تردى .. ويحك يدينه .. ويمشي من غير تركيز شوي ويطيح ..

اخوي قال لأمي انا بتعالج .. لأني تركتها بغييييييييييت أمووووت وما قدرت واكلت 10 حباااات ..اخيرا إعترف

المهم كلمت أخوي انا وقلت له ياخذه يوديه المستشفى .. أخذه أخوي المستشفى و أخذ إجازه شهرين .. وأخذ علاج عباره عن حبوب ..

انا فرحت لأخوي ..لأنه قرر يتعالج .. لأنه يوم كنت أنتظره من زمان .

بس انا خايفه يرجع لها ..

وهل بعد العلاج يرجع طبيعي ولا يبقى أثار مثل صداع أو هلوسه ..

بنات اللي تعرف أحد ادمن وتعالج تقول لي ..لأني بوقف مع اخوي وبنصحه وبشجعه على العلاج ..

وهل خلال فترة العلاج راح يحس بالتعب الشديد ولا تعب بسيط صداع وكذا ..ياريت تفيدوني يابنات

والله يحفظ اخواننا وعيالنا وعيال المسلمين ويهديهم