الله يعوظك بالزوج الصالح ايش شرطه الله يهديك استهدي بالله والمفروض كان ماعاندتي اخوك وجيتيه بالسياسه كده اغلب الرجال السعوديين يمشون بالسياسه والهداوه

الله يصلح حالك اختي الكريمه ومعليش تحملي اخوانك عشان امك وابوك وسمعتك ماتخافين عليها انتي صغيره مازلتي مراهقه ومقهوره من التصرفات لكن لو يعدي سنة من عمرك عرفتي ان العناد مايجيب شيء الله يسمح امرك

نفسسسسسسسسسسسسسس اخوووي

و ادعي علية ليل نهار و لا صار فية شيء

بس صدق لا تكلمينة بكل وقت

خففي القعده معااااااه

روحي اتركي الشرطه والخربطه بتزيدين الطين بله دام اخوك كذا طنشيه ولا تلاحقينه عطني حقي ولا غيره قولي لابوك ابي فلوسي من اخوي وهو يطالبه مو تطاردين وراه

ياعمري انت لسى صغيرة وصدقيني تصير هالامور في بعض البيوت لايجي بتفكيرك تشتكينه على الشرطة وأذا شكيتيه على الشرطة وبعدين تعتقدين ان أبوك راح يسكت لك وأمك بعد والناس وش راح تقول عنك وأذا كتب تعهد تقتقدين راح يلتزم به راح يضربك أكثر من أول وبعدين يقطع عنك جميع وسائل الاتصالات حاولي أنك أنت تكسبين أخوك ولاتدعين عليه صدقيني لو يصير له شي لاسمح الله أول من يبكي عليه أنت هذا أخوك وراح يجي اليوم اللي تحتاجينه فيه