كيفكم ****لله تكونو باحسن حال
اليوم حبيت انقلكم وصفة الهريسه
نقلتها عن طريق التلفزيون من شيف اردني
على قناة عمان وصراحه عجبتني وحبيت افيدكم فيها
اول شي المقادير:
2 كوب من السميد الخشن وانتبهو الهريسه ما بتنعمل بالسميد الناعم ابدا
1/2 كوب من السمنه او الزبدة وعلى فكرة اصبع زبدة واحد بيكفي
وحكى الشيف أنه الهريسه ما بتزبط بالزيت اما سمنه او زبدة بسسسس
كوب من السكر
كوب من اللبن الزبادي
ملعقه صغيرة بيكنج باودر او بيكربونات الصودا
1/4 كوب ماء
كوب جوز الهند
الآن نبدأ بالطريقه:
-*بنحط السميد بالجاط وبعدين بنضيف الزبدة اللي بتكون بحرارة الغرفه طبعا ونبدا نخلطها باليد بشكل جيد مشان الزبدة او السمنه تتخلل السميد كله
-*بنضيف جوز الهند وبعدين اللبن والبيكنج باودر وطبعا السكرواخر شي بنضيف الماء وبنخلطهم حتى يتجانسو
-*الان بندهن الصينيه طحينه وبنسكب الخلطه فيها وبنفردها
-*بنوزع اللوز عليها
-*بندخلها الفرن المحمى على حرارة 180
-*لما نشوف الاطراف من تحت بدت تحمر بنطلعها وبنقطعها وهاي الحركه مهمه
-*الان بنحمرها من فوق(الوجه)
-*واخيرا بنشربها بالقطر (او الشيرة) البارد ومهم تكون الشيرة باردة
مشان تتشربها الهريسه
-*ومعلومه اخيرة ما بنحركها او القصد نشيلها من الصينيه الا بعد ما تبرد تماما مشان ما تتفتفت
-*واخر نقطه وهي الاهم
^
^
صحتين وعافيه
و****لله الوصفه بتعجبكم ويلا جربوها وخبروني
وما تبخلو علي بردودكم الحلوة
لو شفت موضوعك قبل ساعه سويته بس سويت طريقه ثانيه
يلا ان شاء الله اجربها قريب
ومشكوره