أخيرا رجع لي ولدي .. بعد سنة وثمان شهور

خواتي الغاليات ..
أنا أم لطفل واحد عمره سنة وثمان شهور عموري الله يخليه لي ويباركلي فيه يارب
مشكلتي اني بغيب عنه تقريبا 13 ساعة باليوم بسبب طبيعة دوامي
وكان لفترة من الفترات وهوي أصغر من هيك متعلق بأختي اللي بتجلس معه فترة أطول
وأنا كنت احس انه ما بيحبني :44:
حتى انه مرات كتير لما يكون معي او احاول اشيله او الاعبه .. يصير ينادي بإسمها يريدها
أو لو كنت انا وهي بنفس المكان يتركني ويروح عندها ومرات لما اعاند يصير يبكي بحرقة وكإنه مخطوف :icon33:
ودايما كنت ابكي كتير بسبب هالموضوع وكان مسببلي ازمة
المهم اخذت اجازة من الدوام حوالي 40 يوم وسافرنا فيها وكنا طول الوقت مع بعض
نلعب مع بعض وناكل سوا وننام سوا
كل شي مع بعض
إلى أن حسيتو انه رجع يتعلق فيي بشكل كبير
حتى لو دخلت على الحمام (أكرمكم الله ) ألاقيه صار يدور علي مثل المجنون
طبعا هيدا الأسلوب رجعلي احساسي بالأمومة اللي كنت مفتقدته بعض الشيء
وكنت استمتع جدا لما يجي وقت النوم وينام في حضني وأحسه بيدفن نفسه في حضني بزيادة
وكنت كتير مبسوطة زي احساس وحده كانت مضيعة ابنها ولقيته ..
ولهلأ بحكي معكم وأن نفسي ارجع على البيت علشان يجي وقت النوم وآخذه في حضني طول الليل وننام

أنا عارفة انه طريقة مني للتعويض عن الفترة اللي ببعد فيها عنه .. وعلشان ما ينساني مرة ثانية ..

بس أصدقكم القول ..
أنا خايفة من نقطة انه ما أقدر بعد هيك أنيمه لحالو بالسرير
وخايفة يطول وهوي ينام معنا بنفس السرير ..

أنا طبعا مبسوطة كتير بالوضع الحالي ..
بس بدي أسأل من الأمهات ذوات الخبرة
أو الأخصائيات النفسيات ..
إلى متى ممكن أضل على هالوضع قبل ما احاول افصله عنا ..
لإني بصراحة ما بدي أرجع مرة ثانية ابعده عني ..
إلا بعد ما ارسخ فيه حبي وأنا اعوض نفسي وارضي ذاتي انه ابني بيحبني وبنام في حضني وهوي حاسس بالأمان :44:
ارجوكم افيدوني وانصحوني ..