يا هلا بأحلى بنات في أحلى منتدى ..
أنا بديت أتعلم الكروشيه من فترة طويلة ( 4 سنوات) ... بس بسبب دراستي وعيالي ما كنت أستمر في أول مرة ركزت فيها سويت شنطة صغيرة ( قد راحة اليد ) بغرزة الحشو وبعدين وقفت سنتين وبعدها رجعت أتعلم مرة ثانية و تعلمت أسوي ورود .. وبعدين رجعت وقفت .. اما الآن بعد التخرج وعيالي شوي كبرو تشجعت من 3 أسابيع أني أرجع أتعلم لأني كنت حاسة أني نسيت كل شي ..... المههههههههههههههههم ..
الظاهر طولتها عليكم وهي قصيرة ...
أول إنتاج كان شنطتين للأطفال... للأسف عطيتهم هدية فما أقدر أصورهن لكم الأولى كانت بغرزة الحشو والثانية كانت بغرزةعلى شكل وردة شفت باترونها في موضوع (أسيرة موني ) للغرز والوحدات ..
وبعدين سويت كفر لموبايل أخت زوجي ... وسويته بخيط غريب شوي ( مش عارفة نوعه )
وهذي صورته ::
وهذي الغرزة من قريب ( بعد من غرز أسيرة موني)
ورجعت عملت بنفس نوعية الخيط الأول بس لون ثاني لأخت زوجي الثانية
وهذي صورته ::
وهذي الغرزة من قريب ( بعد من غرز أسيرة موني)
وبعدين تعلمت أسوي كور كروشيه وسويت ميدالية لمفتاحي بس كان ناقصنها الحلقة الحديد عشان أوصل بين الشغل والمفتاح ...
وهذي صورته ::
قامت أخت زوجي الأولى غارت لأنها شافت كفر أختها أحلى من مالها وطلبت أعمل لها واحد ثاني وفيه كور ....وعملت...
وهذي صورته ::
وهذي الغرزة من قريب ( سطر عمود منزلقة وسطر حشو .. وهكذا ...)
...... ونكمل الحكاية والصور ....
أخت زوجي الثالثة دخلت على الخط وطلبت كفر للموبايل مالها ...... وكان لها ما أرادت ...
وهذي صورته ::
وهذي الغرزة من قريب ( بعد من غرز أسيرة موني)
وبعدين جت الأخت الرابعة وطلبت ... وطبعا استحيت أردها .... ( مع أن كان خاطري أبدا أجرب شي ثاني غير الكفرات مثل الجواب والطواقي)..
وهذي صورته ::
وهذي الوردة من قريب
وهذي الغرزة من قريب ( عبارة عن غرزة العمود)
وأخيرا عملت لأخت زوجي الخامسة كفر مع أنا كانت مستحية تطلب بس كنت حابة أعملها عشان ما تزعل ....
وهذي صورته ::
وهذي الغرزة من قريب ( عبارة عن سطرين عمود وسطر حشو.. وهكذا..)
أنا كذا خلصت ...أتمنى تكون الكفرات عجبتكم .... ألحين يا دوركم في إبداء الآراء ....
متحمسة أقرا ردودكم ..لأنها أول مشاركة لي بأعمالي وشغلي ...
تحياااااااااااااااااااتي..