أخيرا .. في نفس البيت ونفس الغرفة .. لكن انفصلنا انا وزوجي ..

السلام عليكم ...

حبيت افيدكم بتجربتي .. واللي انتبهت لها الحين بس بعد مروور 3 سنوات ونص على زواجي ..
الحمدلله عشنا وزوجي حياة هنيئة وهادية .. بس كانت مبنية على غلطة بسيطة.. غفلت عنها ..ماعرف ليش بس ما وعيت عليها الى وقت قريب ..
بس اكتشافي لهالغلطة .. صح نغص حياتي فترة بس رد الهدوء والوؤاام بعدها ..

الاكتشااف هذا ان .. أنا و زوجي .. شخصيتين منفصلتين ..

احكي لكم كيف .

بداية الزواج ولوقت قريب .. كنت احب اللي يحبه زوجي واكره اللي يكرهه .. واخااف اقوله ان في شي مو عاجبني .. لأن في اعتقاادي ان نحن شخص وااحد .. وماينفع ان يكون لنا توجهاات مختلفة ...

بس بعدين بديت استوعب ان نحن غيير .. بس كانت فترة صعبة .. لأني كنت ابيه يحب اللي احبه بس ماكنت اباه يكره اللي احبه ..

وكانت هذي المرحلة الحاسمة ,, تخللتها مناوشات وصريخ وصياااح .. لأني ما كنت اعرف ان نحن مختلفين .. أنا شخصية وهو شخصية ثانية ..

والحين .. الحمدلله .. احس بتواازن .. لأني فهمت انه غير له اهتمامات غير وحياه غير وانا نفس الشي ...

نصيحتي لكم ..

تصالحو مع انفسكم اولا واهتمو بشريك الحياة واهتماماته .. لكن لا تخلطون .. حبو ازواجكم مثل ما هم .. وغيرو اللي تكرهونه فيهم بس بذكااء بدون ما تحسسونهم بانزعاجكم ,,

أحبكم في الله ..