كيفكم ياحلوات
حاولت كتير أسوي كورسون وكل مرة آخد وصفة وأطبقها وماتعجبني النتيجة
إما يطلع ناشف ، أو يطلع عادي زي أي نوع فطاير
كان نفسي أسوي كورسون زي الجاهز يكون مورررررررق
وفي نفس الوقت طري ومشهي
أخيراً لقيت وصفة من أخت جميلة جزاها الله خير اسمها أم مريم في منتدى تاني
أخدت عجينتها وزودت فيها كمية الدقيق شوي
بس طلع الكروسون روووووووووووووووووووووووووووووووووووووعة
أعطيكم المقادير وأقلل الهرج أحسن صح :35:
4 أكواب دقيق ( ممكن أكتر أو أقل حسب نوع دقيقك )
كوب حليب سائل
كوب وربع ماء دافئ
ملعقة ملح صغيرة
معلقة سكر كبيرة ( أنا حطيت فنجان أحب الطعم الحالي في الكروسون الجاهز )
نص ملعقة كبيرة خميرة
وزبدة للعجن
الطريقة
نخلط المواد الجافة وبعدها الحليب والموية بالتدريج
مانعجنها كتير اول ما تتشكل نفردها ونحطها في صينية ونغطيها وع التلاجة 12 ساعة تقريباً
أنا خليتها في التلاجة أكتر يعني عجنتها قبل صلاة العشا واستعملتها اليوم الضهر بتكون العجينة ارتفعت شوية موكتير وهادا من اسرار الكروسون وهو التخمير البطيئ ويخليه هش وخفيف
بعد ما نخرجها من الثلاجة نكون مجهزين الزبدة وتكون باردة و بطول العجينة يعني كأنك بتفردي الزبدة على العجينة ، وبعد كدا نطبقها ونرجع نفردها ونكرر دا الشي 3 مرات ( لو حسيت العجينة تقيلة وماتنفرد معاي بسهولة كنت اسيبها شوية ترتاح وأرجعلها )
وآخر شي تفرديها وتقطعيها مثلثات وتحشيه أو تخليها سادة ( انا احب الكروسون سادة مع كابتشينو ) وترصيه في صينية الفرن وتخليه ساعة أو ساعة ونص عشان يخمر مرة تانية ويكون خفيف
وبعد ما يخمر ويكبر حجمه ندهنه بصفار بيض وحليب وندخله ع الفرن
من الوصف تحسي الطريقة صعبة بس مررررررررررررررررررررة سهلة وممتع في عمله
وماتطفش زي باقي الطرق
عندي ملاحظة
صغيري قد ما تقدري في حجم حبات الكروسون لانها راح يتضاعف حجمها وقت التخمير وكمان في الفرن ـ وكمان ماشاء الله الكمية طلعت كبيرة فشلتو في الفريزر ووقت ما احبه ثوااااااني ع الميكرويف واتمتع بأحلى فطور :27:
وبالهنا
وأخليكم مع صوري
Pic371
Pic368
Pic367
أيش رايكم
لون المانجا @lon_almanga
محررة
يلزم عليك تسجيل الدخول أولًا لكتابة تعليق.
رووووووووووووعه تسلم يدك
بس كل مره افرد احط زبده وضروري زبده مايصير زيت الاكل العادي ومشكوررررررررررره
بس كل مره افرد احط زبده وضروري زبده مايصير زيت الاكل العادي ومشكوررررررررررره
الصفحة الأخيرة
ورحم الله والديكي