أخيرا ميداليات لحظة عمر وكيس نقال ، بس ضد الماء . . .

تذكرون طبعا ورشة الأخت الفاضلة لحظة عمر للميداليات ، أخيرا سويت تشكيلة منها ، بس مقاومة للماء ، اشلووووووون ؟؟؟؟؟ نطروا شوي . . . :42:



*******













***************



وهذا كيس النقال سويته بنفس ألوان الميدالية اللي اختارتها بنتي . . .

***************
الأدوات :

خيوط القش / أكياس نايلون خفيفة ( يفضل ملونة حسب لون القش إن أمكن) / سلسلة وحلقة للميدالية/ شبك بلاستيك / إبرة كنفاه .

الطريقة :

موجودة في رابط الأخت لحظة عمر الله يشافيها ويعافيها :

http://forum.hawaaworld.com/showthread.php?t=610747

وأنا استخدمت خيوط القش ، وحشيت الكرة بكيس نايلون . . فصارت ضد الماء !!!!!!!!

بالنسبة لأكياس النايلون يفضل أن تكون نفس لون القش إن أمكن ، أو تستخدمين أي لون متوفر عندك ثم بعد ما تكورينه تلفينه بقطعة من القش اللي تبينه ثم تحشين الكرة فيه ، والكيس يفضل أن يكون من نوعية خفيفة ( أنا شريته من محلات بو 100)

والاسطوانات الصغيرة عبارة عن قطعة مستطيلة من الشبك البلاستيكي وتخيطين عليها باللون اللي تبينه المهم تفردين القش وترتبينه . . . ( للأمانة خذيت الفكرة من كارلا دكاش في برنامجها قطبة وخيط)

وبالنسبة لكيس النقال ( فكرتي ) عبارة عن سلاسل حسب قياس قاعدة الموبايل اللي تبينه ، ثم أعمدة الدبل كروشيه وتلفين على السلاسل . . ، والزر عبارة عن اسطوانة من الشبك البلاستيكي . . .

وعلى فكرة ألوان القش جميلة جدا جدا . . لكن لا أنصح المبتدئات باستعماله ، لأنه بصراحة متعب شوية بالعمل ، ويحتاج للقوة وكذلك الخبرة في العمل . . .

وإن شاء الله راح أسوي جنطة بعد منها ، أعتقد أنها ما راح تكون مرطرطة ( سايحة ) . . هذا أحد مشاريعي لما بعد رمضان بإذن الله تعالى . . .