cute moon @cute_moon_1
محررة ذهبية
أخيــــــــــرا .... قضينا ع ((البـــــــق )) الحمدلله ... (قصتنا في التخلص منه)
الســـلام عليكم ورحمة الله وبركاته
بالبداية أحب انبه لكل وحده تقرأ الموضوع وهي مطمنه انو مستحيل يجيها ده البق ، فأقولها اقرائي واتعلمي عنه ، والله لايجيبه لأحد ، لكن ده البق امكن يجي لبيت الوحده بطريقه ماتكون متوقعتها ، احنا ماتوقعنا يجينا واصلا ماكنا نعرفه لكن ..
تكفي كم حبه من البق لحتى يعملو مستعمره للبيت :(
البق جانا عن طريق خادمه من بنجلادش ، جانا مع شنطتها حقت الملابس ..
وانتشر انتشار كبييير في غرفتنا واكل جلودنا وكنا مستغربين منه لانو اول مره نشوفه ونعرف حشرة بده الشكل :(
وخاصه انا جاب لي القلق في حياتي ..
لانو دي الحشرة تمص الدم ويحبو الظلام .. فيشربو دم الشخص وهو نايم بالليل وبالنهار يتخبووو ، وبعد مايمصو الدم تنتفخ المنطقة وتحك جدا :angry2:
انا كنت اكثر وحده من اخواتي اتضررو منه لاني كان يحكني بشدة مكان القرص ، وكنت اقوم بالليل 3 مرات وفي مرات أصحى ابكييي من القهر ، لاني من جد مش قااادرة انااام متواصل وبراااحه وحلم كان عندي اني انام نوم متواصل ولو يوم واحد بسسسسس :icon33::icon33:
وما كنت اقدر انام بغرفة ضيوف الرجال او الحريم ، لحتى ما انقل البق ليهم وانشره ، :44:
كان القراد منتشر عندنا بغرفتنا اكثر شئ ..
نزلت موضوع هنا بالمنتدى وافادوني العضوات بطرق وكذا اسأل الله انو يجزاهم خير ويوفقهم ...
ولما قربت الأجازه الكبيره ، عزمت على القضاء عليهم نهائيا ..
عملت بحث مكثف عنهم بالنت وقرأت عنهم ( لانو معرفتي عنهم حيساعدني ع القضاء عليهم )
هذي معلومه عنه من ويكييديا الحرة
اسمها بق الفراش ,.,
تأتي الينا مع العمالة الوافدة من بلدان العالم المختلفة. ( نفس الطريقة الي جابته لنا )
ويختلف تحسس الشخص منها من شخص لأخر ، عشان كذا انا كنت الوحيده اتحسس منها بشكل مفرط ، بس اختي الكبيره تلاقي انتفاخات على بشرتها من مصهم لها ، لكن ماتحك ولاتحس ..
طبعا هم عندهم مكان يستعمرو ، ولاحظت كذا في ثنيات الفراش ، وفي الكنب الي من قماش والستااااير القماش والخشب ..
المهم نجي لطريقة القضاء عليهم ...
الحمدلله انو كنا اصلا نبي نغيـر اثاث غرفتنا ..
شمرت ذراعي وسميت بالله وشلت الستاره حقتنا وحطيتها بكيس وقفلت الكيس كويس وحطيته عند الباب ليوديها الحارس للمغسلة ...
و
نجي للسرر ..
شلنا مراتب السرر ولقينا نقاط سودا وبق في الثنيات (يعع :09:) المهم فتخلصنا منه ، ومسحت المرتبه كللللها بمووية فيها كلوركس وديتووول وركزت ع الثنيات (ييموتو من الكلوركس وينفرو من ريحتها ) وكنت اشوف نقاط سودا وامسحها من قلبي وعلى بالي انها بيض ( اقضي على ذريتهم ) بس لما قرأت عنها بالنت طلعت فضلاتهم :42:
المهم وطلعنا المراتب فووق بالسطوح وعرضناها لأشعة الشمس( يموتو من الشمس ويكرهوها ) لمدة 5 ايام ..
المخدات رميانها واشترينا مخدات جديده والبطاطين وديناها المغسلة تتغسل ...
عندنا كنبه في غرفتنا بس هي كنبة جلدية فما حيستعمروها ، لكن مسحتها كوووويس بالماء الي بالكلوركس والديتول وركزت على الثنيااات وكذا ..
في مكتبه صغيره للكتب خشبيه ، نزلت الكتب منها ومسحتها كووويس ..ورجعت الكتب ,.
غرفتنا بلاط اصلا ومافيها سجاد إلا سجاد طوله متر في مترين نحطه بوسط الغرفه ، فشلناه وودينا مكان مايغسلو السجاجيد ...
ووالله لقيت نقاط سودا على اطراف البلاط ، والنقاط السودا دي مكان استعمارهم فمسحناه كويس وشطفنا الغرفه اصلا بموووية وكنت اصب الكلوركس زي المجنونه <<< اتعقدت منهم جدااااااااااااااااااااا:06:
كان عندنا طاوله خشبيه طويلة ، رميناها لانو متأكدين انها صارت مستعمره بريطانيه أقصد مستعمره (بقيه):42:
وبعدين رجعنا كل شئ للغرفه ، والاماكن الي يتخشخشو فيها او كانت مستعمره لهم حطين جمبها (نفتالين ) الأبيض الي ينحط في الحمامات الله يكرمكم .. لانو بينفرو من ريحاتها ..
ونمت هذيك الليله والحمدلله ما اتقرصت ابدااااا ولا اخواااتي
وكل يومين اشوف بق واحد او اتنين .. ( بعد ماكنا نشوفهم بالهبل )
وكل يومين صرت امسح الكنب والسرر تمسحها بالموية والكلوركس واغير غطائها كل 4 ايام ، وبيوت المخدات كمااان ..
وامسح الغرفه كلللها يوميا بماء فيها كلوركس ..
والحمدلله لينا اسبوعين نسوي كذا وماصرنا نشوفهم ...=)
والاحلى من كذا اني انام وانا مرتااااااااااااااااااااااااااااااااااااحه ..
حبيت افيدكم بتجربتنا ..
والسلام عليكم
29
80K
يلزم عليك تسجيل الدخول أولًا لكتابة تعليق.
خدين الروح
•
الحمد لله تخلصتوا منه بس بسألك انتي تشوفين البق هذا بالعين المجردة ولا هي كائنات مجهرية
الحمد لله تخلصتوا منه بس بسألك انتي تشوفين البق هذا بالعين المجردة ولا هي كائنات مجهريةالحمد لله تخلصتوا منه بس بسألك انتي تشوفين البق هذا بالعين المجردة ولا هي كائنات مجهرية
لا حبيبتي ينشاف أكيد ..
حجمه اكبر من حجم النمل بشوي
الله المستعان احب اقولك ان شاءالله ماتشوفينه لانه عذبني والحمدلله بس خليكي بين فتره وفتره سوي بحث وراهم لانه بيضه يفقس كل 14يوم والله يكفيناشره
الصفحة الأخيرة