أخي الصغير يسرق .. فما الحل ..

السلام عليكم ..

المشكلة واضحة من العنوان ..ولو سمحتوا بغيت حلول تربوية ..


أول شي هو عمره تقريبا 14 ..
أبوي أكتشف إنه يبوق طبعا في البداية اشياء بسيطة .. مثلا خمسة ريال.. و كنا نقوله لا تسوي جدي مرة ثانية .. وبس ...

لكن الحين الشي تطور .. قام يبوق بالمئة و المئتين ريال ..
لأن في البداية أبوي لاحظ فلووسه ناقصه إذا حط مبلغ معين في مخباه يختفي .. وحنا من البداية شاكين فيه .. لكن قبل كم يوم اختفت 200 ريال .. أبوي هدداه وقاله بوديك مركز الشرطة إذا ما اعترفت ..وفعلا خاف واعترف إنه الي بايق الفلووس .. وخليناه يحلف على القرآن إنه ما يعيدها .. وطبعا حلف >> على فكرة هو يحلف في كل وقت عادي عنده سواء جذب ولا صج ..


المهم .. اليوم تكررت السالفة وما تاب .. واختفت 300 ريال ((لاحظوا شوي شوي تكبر القيمة)) .. و بعد ما سألناه .. وضغطنا عليه .. طلعهم .. ويقول إنه نسا وخشاهم بالغلط وتحجج بكم حجة .. وسوينا روحنا صدقنا .. لأنه رجع الفلوس ..

المطلوووب الحين .. شو الحل معاه .. نضربه ولا لأ..
على فكرة أنا أكبر منه بثلاث سنين تقريبا ..

والله يعافيكم .. لأني خايفة هالشي يتطور لأكبر وأكبر ..