أخي المعالج بالقرأن..وكل من مر بهالشيء!!هل في علاج بدون مايحتاج ولدي للعمليه!!!

بسم الله الرحمن الرحيم
قبل أربعة أشهر أنجبت ولدين توأم ولله الحمد كانوا بصحة جيدة ....ولما رحت أراجع المستشفى بعد الأسبوع الأول من ولادتهم طلبوا مننا نعمل أشعه للقلب للتوأم الثاني وفعلا عملنا الأشعه وأكتشفوا وجود بعض العيوب الخلقيه ومنها ثقب بين الأذنيين لكنه صغير جدا وومكن يقفل لحاله خلال سنه ..وضيق في الشريان الأورطي وقالولنا يحتاج عمليه وهنا بدأت مأساة ولدي مع المستشفيات ...وحولونا على مستشفى التخصصي في الرياض..مع العلم أني ماكنت ألاحظ على ولدي أي ضيق في التنفس ولاتغير في لون الوجه وكان يرضع كويس .وأستغربنا أنهم طلبوا نعمل العمليه في هذا الوقت وكان وقتها عمره شهر بس..المهم رحنا التخصصي وعمل العمليه وقالولنا أنها نجحت !!ورجعنا الدمام...وفي نفس اليوم اللي رجعنا فيه من الرياض لاحظت أن الولد حرارته مرتفعه وكنا معتقدين أن هذا من أعراض العمليه!!! وضل يوم كامل مايرضع!!وكان يأن ويتوجع بصوره محزنه وفي فجر اليوم الثاني وديناه المستشفى..قالولنا أن الولد صابه ألتهاب في الرئه من فيروس منتشر في الجو!! وهالشيء ماله علاقه بالعمليه أبدا!! وضل ولدي منوم في المستشفى أكثر من أسبوع وحالته تسوء أكثر! وبعدها جانا أخصائي قلب الأطفال في المستشفى وقالنا الخبر الصاعقه؟؟؟!! قال أحنا سوينا أشعه لولدكم وأكتشفنا وجود تضخم في أحدى شرايين الرئه ماكنا ملاحظينه من قبل وهو شريان ثانوي ولازم عمل قسطره!! يعني لازم ترجعوا للرياض مره ثانيه !!!وفعلا نقلوا ولدي بالأسعاف للتخصصي وكان هذا في أول يوم عيد الحج!! والحد لله على كل حال ..ووفي التخصصي قالولنا أنه أحنا ماشفنا هذا التضخم بالأشعه التلفزيونيه ولازم ينعمل له أشعةmri....وهي اللي بتحدد..وعمل ولدي هذي الأشعه اللي كأنها عمليه!! وقالولنا فعلا في تضخم في الشريان ولازم قسطره!!.وفي هذا الوقت ولدي كان مايرضع أبدا وحالته تسوء وهذا الشيء اللي كان شاغل تفكيري ليش ولدي مايرضع!!لأنهم قالولنا هذا التوسع في الشريان ماله علاقه بالرضاعه!!! فعملوا لولدي منظار للحلق وأكتشفوا وجود كيس ساد مجرى التنفس ولازم أزالته بعمليه!!وأزالوا الكيس بعمليه ماأخذت نص ساعه!! والحمد لله رجع ولدي بعدها يرضع ...وتحسنت حالته..لكن رجعوا قالولنا أنه الولد يحتاج قسطره لأزالة التضخم في الشريان..لكن هالمره ماتسرعنا أنا وزوجي مثل المره الأولى!!وأستخار زوجي ورفضنا نعمل القسطره لأننا لاحظنا أن المشكله كلها كانت في الكيس اللي في الحلق!!وسحبنا ولدنا ورجعنا الدمام ولبيتنا وأنا أدعي الله أن ماأرجع لأي مستشفى بعدها.وألحين ولدي في أحسن حال وحالته جدا ممتازه
اللي أبي أقوله بعد هذي المقدمه أني ولدي قبل لا يدخل المستشفى لعمل العمليه الأولى كان في أحسن حال وبعدها ساءت حالته وكل هذا من أعراض العمليه لأنهم قالوا العمليه نجحت!!!!!!!
وأنا ألحين كرهت شيء أسمه مستشفيات وخصوصا مستشفى التخصصي! لأن اللي يدخلها ماينزل منها بسهوله!! لازم يعملوه حقل تجارب!!
وأبي أسأل أخي المعالج بالقرأن وأي أحد مر بمثل حالة ولدي هل في علاج لهذا التضخم في الشريان بدون عمليه!! لأن أخصائي قلب الأطفال اللي نراجع عنده يقول أنه في أحتمال يزيد هذا التضخم ويسبب حالة نزيف لولدي لاقدر الله!! وقال هذا في علم الغيب أحتمال يزيد وأحتمال يفضل مثل ماهو حتى لو بعد سنوات!!!
ومادري ليش أنا ماأبي أسوي العمليه لولدي خايفه تسوء حالته مثل المره الأولى وأنا ماصدقت يسترد صحته بعد اللي عاناه في المستشفيات
ولو بسوي العمليه بسويها في بريطانيا مو في التخصصي لأن الدكتور خيرنا هالمره بين مستشفى في بريطانيا وبين مستشفى التخصصي..وأنا جربت التخصصي وكرهته
أرجوكم أدعو لولدي أنه يشفى ومايحتاج للعمليه..وخبروني أذا في اي أحد مر ر بمثل حالة ولدي وأذا له علاج غير العمليه وهل الرقيه الشرعيه تكفي أن شاء الله
وسامحوني أذا طولت عليكم