أخ يا بنات فيني ضيجة من مديري

اشحالكم بنات ،، اشتقت لكم

:(


:06:


تدرون اليوم تهاوشت مع مديري على سالفه ،، وابي شوركم شو اسوي اللحين

فيه وحده استقالت من عندنا ، قدمت استقالتها من اسبوع وبكره آخر يوم لها ، وحضرة المدير يبغيني أستلم شغلها إضافه لشغلي ،، وعطاني اوامر بدون نقاش بالتلفون،، انقهرت من الطريقة أولاً وناقشته ثانياً لكن مافي فايده

المهم اليوم جاني وقالي استلمتي قلت له لأ انا ما أقدر ، واذا جبرتوني تحملوا النتائج لاني متأكده على وضعي هذا بيصير فيه تقصير، قال لاتاخذينها من هالزاويه وانتي جايه تشتغلين ، قلت له اوكي بس لا تحملوني فوق طاقتي،، وبالأخير تكلم بس انا ما أرد عليه وشل نفسه وطلع.

واللحين متضايقه من اللي صار ، انه مو مقدر الوضع ولا حاس بحجم الشغل اللي على راسي ،وشليت جنطتي وطلعت كان باقي نص ساعه من الدوام، وقررت اني آخذ اجازة باجر وما أداوم ، بس حبيت استشيركم هل تصرفي صح في الموقف اللي صار والا لأ ؟

لاني منفعله واكيد الانفعال يأثر على طريقة تفكيري ،، وابغي اشوف رايكم كيف اتصرف الأيام الجايه