سحلب ملكي :

مريت فيها يوم كنت على رأس العمل أحيانًا احس فجأة إن المكان أو الناس ما يشبهوني وهذا الإحساس مو ضعف ابد لا والله لكن انا اعتبره رسالة تقول إن روحي أكبر من الجو اللي حولي الحل؟ اكون على حقيقتي وادور مكان يناسبني مو كل مكان ننتمي له وهذا طبيعي جدًا زمردة بقولك موقف كنت واقفة في غرفة المعلمات مالي شهرين وكم يوم وقت الفسحة الكل يتكلمون ويضحكون يتكلمون وقتها عن أشياء ما لها علاقة بعقلي ولا طموحي سوالف عن عشرة ريال ناقصة وهذي مادفعت القطة ومَن دخلت على مَن وفلانة قالت وفلانة ردّت ومشاكل ودوشة راس انا ساكتة وماسكة كوب الشاي بيدي تلفت حولي والله وقتها وقلت بينك وبين نفسي أنا وش جابني هنا؟ وش طيحني بهالمدرسة هذا المكان ما يشبه طموحي أبد >> طبعًا كنت بقطاع خاص 😥😥😥😥 حاولت ادخل معهم بكلمة بس حسيت نفسي مو من نفس عالمهم ضحكاتهم عالية وبينهم الفاظ قبيحة من باب الميانه بينهم مرادد وقلة احترام نوعًا ما وقلبي وقتها مقبوض و متضايق وكنت مكتومة كأني محشورة في مكان أصغر مني بكثير رجعت لمكتبي وجلست لحالي ووقتها مرت علي فكرة اني مستحيل اكمل بهالمدرسة وانا على يقين ان الله كاتب لي مكان اكبر واجمل وحكومية

مريت فيها يوم كنت على رأس العمل أحيانًا احس فجأة إن المكان أو الناس ما يشبهوني وهذا الإحساس مو...

ورده كورشيه :

يوم تطلقت كل لحظه كل مكان كل تصرف كل شي باختصار ماكان يشبهني ابدا مايشبهني لدرجه اني معاد عرفت نفسي حتى شكليا ماكنت انا يمين بالله ماقدرت اتخطى انه مو موجود بحياتي ماقدرت رغم كل المحاولات بس الله اكرمني ورحمني ورده لي والا الان ذاك الفتره معلمه عليه ولا اقدرت انساها💔🥺

يوم تطلقت كل لحظه كل مكان كل تصرف كل شي باختصار ماكان يشبهني ابدا مايشبهني لدرجه اني معاد عرفت...

غيم70 :

سبحان الله كنت اتكلم مع اخوية في نفس الموضوع. اقولة فترة زواجي عشرين سنه بس فعلاً كنت عايشة في حياة ماتشبهني ولا انتمي لها. احاول اندمج بس حرفياً مااقدر. بالرغم ماكان احد يبين فيني كنت احاول اكون الطاقة الاجابية للي حولي كلهم. بس وصلت لمرحلة انو خلاص مو هذا مكانك. واشكر الله على نجاته ورحمته واسأله ان يرزقنا اجمعين البركة في العمر والوقت. 

سبحان الله كنت اتكلم مع اخوية في نفس الموضوع. اقولة فترة زواجي عشرين سنه بس فعلاً كنت عايشة في...