السلام عليكم
أشحالكم أخواتي الكروشات ..؟
ولي تبي تحمل الله يرزقها يارب بالذرية الصالحه
حبيت أخبركم عن سالفتي الي استوت لي من يومين أنا متزوجة من اربع سنوات ونص بعد زواجي بثلاث سنوات حملت وكان الحمل ضعيف وطيحته بعد أسبوع ونص وما سووا لي تنظيف لانه صغير ونزل بروحه ...والحين حامل وفي الشهر الرابع طبعا كالعاده كل يوم في الشهر يكون عندي موعد مراجعه في مستشفى خاصه عند دكتورة معروفه وهي استشاريه وعندها شهادات من امريكا وغير كذا كانت تشتغل في مستشفى حكومي 15 سنه يعني خبره وما عليها كلام...
رحت من يومين للموعد وسوت لي سونار وسمعتني نبض قلب البيبي وكان كل شيء اوكي وكانت تبي اتقايس راس البيبي ما قدرت قالت ليش امنزل راسه وتمت اتحاول يمكن عشر دقايق انها اتقايس راسه ما قدرت قالت لازم اكشف من تحت انا خفت قلت كيف بتشوفين من تحت وانا حامل قالت عادي انا دكتورة واعرف وانا لازم اعرف واشوف الرحم لو كان مفتوح او لا لانه البيبي منزل راسه تحت وبينه وبين الرحم مسافه بسيطه وقالتلي احتمال اتسقطين خليني اشوف انا من الخوف خليتها اتشوف يوم شافت قالت لازم وضروري اسوي لج عمليه ربط عنق الرحم علشان ما تسقطين لانه المسافه مره قريبه بين راس البيبي والرحم وكتبت تقرير لادارة المستشفى علشان يوافقون على العمليه وقالت لي بعد بكره بتكون عمليتج انا بصراحه اضايقت وتميت خايفه وقالت بكره بنتصل نأكد لج الموعد قلت لها اوكي ...رحت البيت تقريبا وصلت البيت الساعه 9 ونص فالليل الساعه 12 ونص جاني الم فضييع ما قدرت اتحمل ماغص والم في اخر الظهر حسيت اني خلاص اني يمكن اسقط البيبي وتميت والله ماسكه نفسي ما قدرت اخر شيء قمت ابكي من الالم اتصلت في امي قالت لا عادي يا بنتي لا تخافين ان شاءالله خير ..قلت اوكي بتحمل اشوي يمكن يروح الالم بالعكس زاد حسيت اني اختنق اخر شيء ما قدرت اتحمل اتصلت في زوجي واجه من المجلس وقلت له ودني المستشفى ما اقدر اتحمل طبعا زوجي ما يعرف شو قالت لي الدكتورة لاني ما شفته كان في المجلس وعنده رجال اتصلت في امي ومريت عليها ورحنا المستشفى الحكومية هي خاصه لامراض النساء والولاده رحت لهم الساعه 1 ونص فالليل دخلت لقيت زحمه الي حامل بتولد ولي تنزف ولي تتألم مثلي والله تميت انتظر دوري للساعه 3 ونص دخلت عند الدكتورة قالت لي شوفيج قلت لها الي قالته لي الدكتورة قالت اوكي نامي على السرير نمت واجت اتشيك على نبض الطفل سمعتني ياه اوكي قالت حتى لو سوت لج ربط مو 100%ما يطيح احيانا يطيح يعني زودت الطين بله وانا خلاص والله تميت ادعي الله انه الله يثبته لي وتميت استغفر قلت ما عليه من كلامهم ...قالت خلاص لازم اتنامين في المستشفى لين بكره انسوي لج فحوصات وتصوير للبيبي قلت لها اوكي وجلست لثاني يوم الصبح اجت الدكتورة الاستشاريه الي في المستشفى وسألتني فيني سكري او ضغط وقالتلي نزل منك ماي او دم قلت لها لا قالت اوكي الحين بيسون لك تصوير للبيبي وعنق الرحم وبكره ..نزلت لقسم التصوير وشفت البيبي وسمعت نبضات قلبه سبحان الله يا اخواتي شفت راسه فوق يعني تحرك ما تم راسه تحت وسمعت دقات قلبه والفلبينيه طمنتني قالت شوفي بعد الرحم مقفل يعني كل شيء اوكي لا تخافين كل شيء عندج طبيعي قالت مين قالج انه البيبي راسه تحت وعنق رحم مفتوح قالت ما عليج من كلامهم المستشفيات الخاصه قالت دايما يخوفون الحريم والله اني اطمنت وتميت ادعي ربي واتحمد له واشكره انه ربي فكني من عملية ربط عنق الرحم لاني بصراحه خفت وما كان ودي لاني بكر وما اريد يلعبون فيني ...الحمدلله وطلعت فحوصاتي اوكي واليوم طلعت من المستشفى وانا فرحانه وتميت ادعي ربي انه حقق امنيتي وطمني على البيبي الحمدلله على كل حال..
انا حبيت اقولكم سالفتي علشان لو وحده فيكن خوفوها لا تم عند نفس الدكتورة حتى لو كانت خبره اتروح تتطمن في مستشفيات ثانيه احسن لها
والله يسهل ولادة كل حامل يارب ويحقق كل الي في بالها
ولي تتمنى تحمل الله يعطيها يارب ويرزقها بالذريه الصالحه يارب
عيون_الإمارات @aayon_alamarat_7
محررة ماسية
يلزم عليك تسجيل الدخول أولًا لكتابة تعليق.
روزالينا1425
•
الحمد لله على سلامتك وماتشوفين شرر
الصفحة الأخيرة