الليله نفسي أقرا قصص قديمه من الماضي :icon28:
ياليت يابنات ألي عندها قصه قديمه سمعت عنها أو حكتها لها أمها أو جدتها وفيها روح النكته أو للعظه والعبره تقولها لنا عاد تعرفون الأولين مايقصون شي ألا فيه عبره وحكمه أو مثل قديم وتفسره لنا
مثلا جدتي دائما تقول لنا هالمثل كسر شداده
وأرنبه في الهشيمه
وهذا المثل قالوه لأنه كان فيه رجال دائما مستعجل وعجلته دائما توديه في ستين داهيه طبعا وشسوا هالرجال كان في يوم من الأيام جوعان حيل وشافله ذاك الأرنب السمين وسط الأعشاب وش سوى هالغبي أخذ شداده ألي عل ناقته وكسره وشب فيه النار عشان يبي يشوي الأرنب ألي مابعد أصطاده وطبعا هالشداد وقتها كان غالي وهو ضحى فيه عشان الأرنب لكن وش ألي صار الأرنب هرب وهو تخسر شداده
يالله أنا أنتظر قصصكم وأمثالكم الروعه والممتعه وألي ماعندها تسأل العجايز وصدقوني راح ينبسطو ومايخلون شي ألا وراح يقولونه و مايقولون على الله أن أحد يعطيهم وجهه الله يحفظهم:)