أدخلى و خدينى عبرة و عظة ليكى

السلام عليكم و رحمة الله
خواتى انا عضوة جديدة فى المنتدى كنت بتابعكم من فترة و لما زاد همى و اشتد كربى قات اكتبلكم عسى الله ان يجعل حل مشكلتى عندكم خصوصا و انا عمرى ما اتكلمت مع حد قبل كده فى مشكلتى بالتفاصيل ديه. حاسه انى محتاجة اقول كل اللى فى قلبى علشان ارتاح و اقسم بالله انى كل اللى بقوله صحيح و ليس مبالغة . أولا انا انسة 26 سنة أساس المشكلة ان سمنتى سمنة مفرطة للغاية حيث ان وزنى 142 كجمو ده سببلى الكثير من المشاكل و اللى بعضها اعتقد انه ماله حل ذى:
1- ترهل عام فى الجسم
2- اصبحت مميزة فى اى مكان اروحه فى البيت فى الشغل لدرجة ان والدتى مرة قابلت واحدة جارتنا فى محل و سلمت عليها و جت ام الجارة و هى سيدة عجوز و لم تتذكر امى و قعدت البنت تحاول تفكر امها و مفيش فايدة تفتكروا بنتها فكرتها بأمى ازاى .... قاليتلها دى ام البنت التخينة اللى فى شارعنا و الله عندها قالت الست الكبيرة اه عرفتك ( خلاص بقيت علامه). و تانى موقف انى نزلت اشترى حاجات مع امى و اخترت فى لون القماش راح البائع قالى اسئلى اختك(اللى هى ماما) و هى تقولك. ده غير ان الأسم الطبيعى اللى بينادينى به اي حد هو مدام و ساعات و الله يقولوا يا حاجة. و لما اكون مع بنات خالتى او خالى اللى هم اصغر منى بخمس سنين او اصحابى اللى قدى او كمان اكبر منى الناس يفتكرونى امهم.
3- أهلى و اخواتى بيعملونى على انى عار و بيتجنبوا يخرجوا معايا بأى شكل علشان ما يتفضحوش من المسخة اللى ماشية معاهم.
4- مفيش مرة حسيت احساس البنت اللى جايلها عريس و لا مرة واحدة حتى بالزيف و فى الوقت اللى كل بنات العيلة او اصحابى ما شاء الله بيتجوزوا بيكون نفسى بس حتى احس اى احساس من الأحسايس اللى بيحسوها
5- طبعا التخن ده جابلى مشاكل صحية زى تكيس المبايض و ده خلى شعر أسود كثيف جدا يبفى فى دقنى و جسمى و بيطلع بطلوع الروح و كل ما اشيله يطلع و الله تانى يوم كأنى راجل. حتى الأنوثة ضاعت منى. ده غير سواد كاحل مش اسمرار فى كل مناطق الأحتكاك فى جسمى و خطوط بيضا ما تعديش. لما اطالع نفسى فى المراه اقول ايه التشوه ده و عرسان ايه اللى انا عايزاهم يجيوا. مين اللى هينحمل كل المصايب ديه
6- بقيت انطوائية و علطول قاعدة فى البيت علشان ما حدش يشوفنى حتى اهلى بقعد فى اوضتى لوحدى علشان ما يشوفنيش كتير.
7- سببت القهرة و كسرة النفس لأهلى بقى الناس تخاف تقولهم على افراح بناتهم علشان ميحسدهومش فى بالهم انا اللى ما بيجيليش اى حد
- مبقاش فيه اى شئ يقدر يفرحنى او يسعدنى علطول مخنوقة و يأسه

كل واحده زايده لازم تخس و كا ام لازم تمنع بنتها من التخن خدونى عبرة ليكم علشلن يقل عدد الناس المحطمين
أرجوكم اخوتى ادعوا لى عسى الله ان يخفف عنى كربى و محنتى
يارب ارحمنى و فك كربى يارب