السلام عليكم ورحمة الله وبركاته
أخباركم حبيباتي إن شاء الله دوم بصحه وعافيه يارب00
الموضوع اللى بكتبه لي مده ودي أكتبه بس والله خايفه بس اليوم قلت خلاص يكفي تخاذل وخوف00
أنتم عارفين أن رجل الأمن الأول هو المواطن وأي شخص يلقى أي حاجه مشكوك في أمرها أو غلط على طول من باب الخوف على نفسه وأهله وغير كذا عشان هذا الوطن يبلغ عنه والشئ هذا مو محصور على الرجال بس لا حتى المرأه إذا شفت غلط تبلغ عنه00
السالفه هي00قبل مده طويله كنا موقفين عند المحطه القريبه من بيتنا الوالد الله يحفظه يعبي السياره بنزين 00طبعا" كعادتي أطالع الرايح والجاي لاحظت أن المبني اللى فيه سكن العمال كل شوي يجي شاب يوقف يعبي السياره أو غيره ينزل ويدخل على هذا المبنى((سكن العمال)) ويطلع وعلى هالحاله كل شوي جاي شاب أو أثنين ويدخلون داخل وش عندهم الله العالم وحده00قلت لأمي وأستغربت من الوضع00جاء الوالد قلت له قال أكيد يامخدرات يا أي مصيبه ثانيه يبيعونها لها الشباب00أنا صرت كل ما جينا عند هالمحطه نفس الشئ يتكرر شاب ينزل من سيارته ويدخل داخل ويطلع00قلت للوالد يبلغ بس قال هاذي فيها مشاكل وبلاوي مالي فيها أنا أنقهرت قلت ليش كلها تبليغ للشرطه وأنتهينا لكن لاحظت أنه مايبي وسكت على أن الوالده حاولت معه بس مافي فايده وقالت ترى أنا ببلغ وسكت ماردعليها00الموضوع هذا قعد بالي أنا أخوي صغير بس بكره يكبر ويمكن يقوم يسوي نفس الشئ الله يستر ويحفظه من كل شروجميع شباب المسلمين00هذا غير إني مقهوره على هالشباب والله مساكين مايعرفون وين مصلحتهم والعمال حسبي الله عليهم يلعبون بعقولهم00
عشان كذا قررت اليوم أكتب لكم هالموضوع فأي وحده زوجها أو أخوها أو أي واحد يقرب لها سواء في الشرطه أو مكافحة المخدرات أو غيره ياليت تقولي عشان أقول لها عن مكان هالمحطه وهو يشوفون شغلهم00
يا أخوات هذا لمصلحة أخوك وزوجك وولدك لا أحد يتردد00
ساعوني عشان نحاول على الأقل نقلل من الفساد اللى صاير بلدنا ونحمي شبابنا من شرورهم00
أرجو من الأخوات المشرفات عدم حذف الموضوع لأن هالقسم له علاقه باللى أقوله يعتبر من مشاكل الحياه اليوميه00هذا غير إني خايفه لاتقولين ليه خايفه وبس00وغير إني ما عندي إستعداد أكتبه مره ثانيه في قسم ثاني00وغير إني اللى قلته مهم جدا"00
لكم تحياتي00
الـمــاســه @almash_48
محررة
يلزم عليك تسجيل الدخول أولًا لكتابة تعليق.
mesho999
•
الله يهديك كان بلغتي وريحتي عمرك.
هلا فيك أخواتي منورين00
كنت رح أبلغ بنفسي لكن خفت من سين وجيم ويعرفون رقم البيت وتصير سالفه لا والله أنا قلت من هنا وإذا ربي كاتب أنهم يدرون عنهم بيدرون لكن أتصل لا والله مو مستعده أدخل نفسي في مشاكل أنا في غنى عنها00
أنا اللى على سويته والباقي عليكم00
لكم تحياتي00
كنت رح أبلغ بنفسي لكن خفت من سين وجيم ويعرفون رقم البيت وتصير سالفه لا والله أنا قلت من هنا وإذا ربي كاتب أنهم يدرون عنهم بيدرون لكن أتصل لا والله مو مستعده أدخل نفسي في مشاكل أنا في غنى عنها00
أنا اللى على سويته والباقي عليكم00
لكم تحياتي00
شوفي يا حبيبتي
احنا صارلنا موقف مشابه
اول ما تزوجت سمعنا طلق نار قريب مررة من بيتنا
انا قمت ازن على زوجي الا تبلغ وتوكل على الله وبلغ
والله يا شيخة ما فكوووه كنه قايل هم انا اللي اطلقت نار وجابوه على مركز الشرطة وطول عندهم ما جاني الا بعد الفجر
انا عاد قلت لو سكتنا اصرف لانهم يعاملونك كانك انتي اللي سويتي الغلط
وياخذون البيانات الكاملة طبعا هذا من حقهم بس لا يكرهون الناس بفعل الخير
احنا صارلنا موقف مشابه
اول ما تزوجت سمعنا طلق نار قريب مررة من بيتنا
انا قمت ازن على زوجي الا تبلغ وتوكل على الله وبلغ
والله يا شيخة ما فكوووه كنه قايل هم انا اللي اطلقت نار وجابوه على مركز الشرطة وطول عندهم ما جاني الا بعد الفجر
انا عاد قلت لو سكتنا اصرف لانهم يعاملونك كانك انتي اللي سويتي الغلط
وياخذون البيانات الكاملة طبعا هذا من حقهم بس لا يكرهون الناس بفعل الخير
الصفحة الأخيرة